Read ngando Ba-Loma 10 Bible Online

Ba-Loma 10 - ngando bible

Ba-Loma 10

¹Bifili, mposa enok’emi en’otema, ko boondo bonond’emi Yakomba lacin’eniyo Ba-Yisalaele boyali lacin’eho baike.

²Lila lacin’eniyo solosolo baoka Yakomba mposa mene, ohonde mposa eho efayali l’okotua bona nnonganya.

³Lacin’oka enetey’iyo mbongi ena Yakomba, ko bafonaki lacin’eho bacidya mbongi eniyoamene, iyo batimedya lifika mbongi ena Yakomba.

⁴Lacina Masiya ayali nsimbo en’asangya eneyali boto l’oto onimedya lacin’eho ayele ena mbongi.

⁵Lacin’oka Mose aotenda lacin’ena mbongi eneyali en’asangya, ate, Boto onila baoyi’aho angika l’aho.

⁶Ohonde mbongi en’imeedyo eotenda yok’osamb’one, ate, Tilake en’otem’one, ate, Onongilela ena loola oka nai? (lacin’eho akitsa Masiya),

⁷la, Onongokita ena Abuso oka nai? (lacin’eho aucisa Masiya enek’anawaki).

⁸A koko, mbongi ebo eotenda bosamb’oya? Ate, Yoi yolama Le nko mbolimboli, liyali en’onyu’one l’en’otem’one;

⁹nko yoi lin’imeedyo linasekody’iso; o nko, yombo oimedya l’onyu’one Yesu ayali Nkolo, ko oimedya en’otem’one, ate, Yakomba kongetolak’ende en’ewedi, tumbe ongika;

¹⁰lacina boto aimedya kotema lacin’ena mbongi, ko aenyanya imeedyo inande l’onyua lacin’ena liiko.

¹¹Lacina Bokanda bona Yakomba bila, ate, Boto koto onomimedya afokaki nsoi.

¹²Efan’ecikitanelo en’atenyi bana bise Yuda la bise Elene; Nkolo nk’emoko ayali Nkolo en’ato bahatu, ko ayafuedya iyatu lituka linande, iyatu banelel’ende en’oondo.

¹³Lacina, Boto l’oto onongelela lina lina Yawe en’oondo angika.

¹⁴Bangelel’ende en’oondo onotimedy’iyo yok’osamb’oya? Ko bangimedy’e nde onotok’iyo bosimo’onande yok’osamb’oya? Ko nk’efan’osumoli, tumb’iyo bangoka yok’osamb’oya?

¹⁵Koko yombo bafatomame, tumbe bangosumol’ato bosimo yok’osamb’oya? Bosamb’onoki yoi otengamaka, O bolotsi bon’akaka ban’ato banasekodya bosimo’on’olotsi, nk’osimo bon’aoyi ban’olotsi.

¹⁶Koko iyatu batalofamela bosimo bon’olotsi. Lacina Yesaya aila, ate, Yawe, onimedyaki bosimo’oniso oka nai?

¹⁷Yok’oho imeedyo latama la njoka, konjoka eoya la yoi lina Masiya.

¹⁸A koko emite, Iyo batoka nde? O, solosolo, Lofoso loniyo losekolaki ena loko lohafotu, Ko l’aoyi’aniyo ena nsimbo ina benyanga behetu.

¹⁹Koko lakina, Ba-Yisalaele bateya nde? En’oso Mose ailaki, ate, Nongokooky’ino ekuku l’iy’anafayali bonyanga botutuma; Nongokooky’ino nkele l’onyanga bonofana nnonganya.

²⁰Koko Yesaya afan’ofolu enil’ende, ate, Emi nsungyamaki l’iyo banatampona; Njenyaki eneyal’iyo banatanjufola.

²¹Koko aila lacin’ena Ba-Yisalaele, ate, Bina tu nkaedyaki bato bana lopoko l’ana ntango bakas’anami.