Read ngando Ba-Loma 11 Bible Online

Ba-Loma 11 - ngando bible

Ba-Loma 11

¹Lacin’eho, lufola, emite, Yakomba amokila nde bato’anande? Efana! Lacin’emi nkoho njali ona Yisalaele, on’ecimo ena Abalayama, on’oloi bona Benyamina.

²Yakomba atakila bato’anande banaki’nd’oeyak’oso. Iya, ino bofeya nde yoi linaliki etengelo ena Yakomba oilaka lacin’ena Eliya? bokotua bonoki’nd’oondaka Yakomba ena likambo lina Ba-Yisalaele, ate,

³Yawe, bamoyaka basumoli’ane, ko bamokoiya mesa ine ina mbeka; ko emi nciki nk’emi kei, ko basokolanga lacina banjake nkoho.

⁴Koko nkuto eneki Yakomba okutwelaka eka nai? emamene nciki la mpame nkoto nsambo banatuna liongo eneyali Bala

⁵Yok’oho en’esik’ene, etenyi eciki eneyali yoka bosamb’onoyali esonelo en’isei.

⁶Ohonde yombo esonelo eyali l’isei, efayali lakina ena bikambwa bina nkamba; yomb’efa yok’obo, tumbe isei ifayali lakina isei

⁷A koko nai? Yoi linaliki Ba-Yisalaele okembaka bataata liho; ohonde banasonamaki baataki, ko bakina bacilingitanaki bocilingitano en’etema;

⁸yok’onoki yoi otengamaka, ate, Yakomba afak’iyo bolimo bona bais’ilo, baiso banafana njena ko la batoi banafana njoka, nko le bon’in’one.

⁹Koko Dawidi aila, ate, Mesa eniyo eyalamake lisili ko l’ilonga, Ko Lekumbelo, ko la mbutodya ena nkele eneyal’iyo.

¹⁰Baiso’aniyo bayalamake tukulu, batenake; Ko bekunju beniyo besunamake bina Lina.

¹¹Lacin’ebo, lila, emite, Bakumbaki lacin’eho bakwa nko locela? Efana! Ohonde liiko lomoya eneyali Befenda nko l’etemhwelo eniyo, lacin’eho aoky’iyo ekuku.

¹²Koko yombo etembwelo eniyo emoyalama yoka lituka eneyali benyanga behetu, ko ekwelo eniyo emo latela Befenda yoka lituka, iya esokwelo eniyo, efaleki nde yatela baho lituka?

¹³Koko latenda l’ino Befenda. Lacina eneyal’emamene ekima eneyali Befenda, lakumya lifoka lin’ekambelo enami,

¹⁴yombo nongokolana yok’iy’anayali en’ecimo enami ekuku, lacin’eho mbikya bamoi’aniyo.

¹⁵Lacina yombo bosekya bonok’iy’osekamaka boyali eambanyedyo en’enyanga behetu en’efili, etambelo eneng’iy’otambama linga efayalamaki nde liiko enek’anawaki?

¹⁶Ko yombo etate en’oso ena bomakaeyali boeka, bomaka bobotu boyali boeka nkoho’ko yombo beluo beyali boeka, bitange biyali boeka nkoho.

¹⁷Koko yombo bitange bimoi bikeswaki, ko e etange en’olaya bona ngonda oilamaki ena ntoto ena biho nko njongana, ko oyemba e l’iyo ena beluo ko l’en’auta ban’ote bon’olaya;

¹⁸tayofefak’ea mene eneyali bitange; kang’oyofef’eamene, e ofasuke boluo, boluo kongokosuk’e.

¹⁹Nkwaho ongila, ate, Bitange bimoi bikeswaki lacin’eho emi njilame meho nko njongana.

²⁰Nk’oko; biho bikeswaki lacin’ena boinda boniyo bon’imeedyo, ko e oemali l’imeedyo ine. Tayofefak’eamene la njengodya: ekoli lacina ooke losomo.

²¹Yombo Yakomba atikya bitange mene bin’ote, afakiikyak’e.

²²Lenda isei ko la nkele ena Yakomba; eneyal’iy’anakwaki, nkele; ohonde eneyale, isei ina Yakomba, yombo ongoyala en’isei inande nko njalama; koko nk’ofayale yok’oho, e nkoho ongokeswa.

²³Koko iyo nk’osamb’oho, yombo bafacindelane ena boinda boniyo bon’imeedyo, bangilama nko njongana, lacina Yakomba sinya oyaila lakina njongana.

²⁴Yomb’e okeswaki ena bote bon’olaya bona ngonda, ko oilamaki njongana en’ote bon’olaya bon’olotsi l’okotua bonoteyan’oso: bane banayali bitange mene bafaleki nde yonganyama en’ote bon’olaya boniyoamene?

²⁵Koko bifili, emi mpalange lacina bomboyala yoka bofeya yoi line lina bofisafisa (lacina botongoyotang’moamene bomwu ena nkanyi inino), ko yoi liho liha line; bocilingitano bomoi bomokwela Ba-Yisalaele, yengoko ekokedyo en’esike ena Befenda eoyela;

²⁶ko yok’oho Ba-Yisalaele bahatu bangika, yoka bosamb’onoki yoi otengamaka: Botungoli angoya ena Siona; Ende angumola baoyi banafana ekumedyo ena Yakomba eneyali Yakobo;

²⁷Line nko lisangya linami linalingi’m’oteel’iyo, Enengi’m’oumola baoyi’owe’aniyo.

²⁸Ena likambo lin’osimo bon’olotsi, iyo bayali baokyi’owe lacin’enino; koko ena likambo lin’esonelo, bamolangama lacin’ena bafango.

²⁹Lacina Yakomba afayokanya lacin’ena nganji ko la eelelo enande.

³⁰Yoka bosamb’onotimedy’ino Yakomba en’esike eneki’oso, koko isanga isei imokana eneyal’ino lacin’ena lopoko loniyo,

³¹nk’osamb’oho bane bafimedya isanga, lacin’eho isei lokane eneyal’iyo lacin’en’isei ineyokana eneyal’ino.

³²Lacina Yakomba amokomba bato babatu en’okasa bona lopoko, lacina aokamele bato bahatu isei.

³³O lingunda lina bomwu ko la njeya ena Yakomba! bikeselo binande bin’akambo bifeyana, ko mboka inande ifanonganyama!

³⁴Oneyaki lokanyi lona Nkolo o ka nai? ko onoyaaki boangi’onande bona biango oka nai?

³⁵Onofak’ende en’oso lacin’eho aate boluko eneyalinde lakina oka nai?

³⁶Lacin’oka bikambwa bihitubiyali l’ende, ko biyali lacin’enande, ko biyali nk’eneyal’ende. Lokumo eneyal’ende bisike bihitu. Ndoho.