Read ngando Ba-Loma 5 Bible Online

Ba-Loma 5 - ngando bible

Ba-Loma 5

¹Lacin’eho, is’anayengwa boyengo l’imeedyo toata mwi la Yakomba lacin’ena Nkolo eniso Yesu Masiya;

²koko toata etuelo l’imeedyo en’isei ine inemal’iso nko lacin’enande; ko tonyangela lolengedyo lon’ekumedyo ena Yakomba.

³Koko ef’oho kei: tonyangela bino binen’iso; lacina tey’oka bino biatela boto ekikedyo en’otema,

⁴ko ekikedyo en’otema nko elonga ena lomeko, ko elonga ena lomeko nko lolendedyo;

⁵ko lolendedyo lofatookya nsoi; lacin’oka nganji ona Yakomba emutelama en’etem’eniso la Bolimo bon’olotsi onofamaki eneyal’iso.

⁶Lacina, enek’is’oyalaka bolu’olu, Masiya awaki en’esike enekoli lacin’en’ato banafana mbongi ena Yakomba.

⁷Boto afalange’olotsi awu lacin’en’oto bona mbongi; koko yombo boto’omoko angokolana liwa lacin’en’oto bon’olotsi.

⁸Ohonde Yakomba aototuma nganji enatok’ende, lacina, enek’is’oyalaka bato ban’owe, Masiya awaki lacin’eniso.

⁹Ko yoi linalileki nko line: is’anayengwa boyengo isanga l’akil’anande tongika ena nkele ona Yakomba nko l’ende.

¹⁰Yombo, enek’is’oyalaka baokyi’owe tambanaki la Yakomba en’efili l’ewedi bona Bon’onande bona mpame, yoi linalileki lika, isanga, enamban’iso en’efili la Yakomba, tongika la liiko lonande;

¹¹ko ef’oho kei, koko iso tonyangela eneyali Yakomba la Nkolo eniso Yesu Masiya, onotoatel’iso isanga esimbanelo en’efili.

¹²Lacin’eho, yok’onoki bowe otuaka ena loko Toto’omoko, ko bewedi beoya l’owe, nk’osamb’oho bewedi beoyela eneyali bato bahatu, lacin’oka bato bahatu bailaki bowe.

¹³Bowe boyaaki ena loko kuma ba-sangya batafatna. Koko boto afaandama bowe kuma basangya batafama.

¹⁴Koko ncika Adama yengoko Mose bewedi beyaaki la mpifo yoka liloka mene, ko beoyela nk’eneyal’iyo nkoho banilaki bowe bonotakoluna l’ekwelo eneki Adama okwaka, ende onoyali ekolanya ena boto onoyayi.

¹⁵Koko bokotua bona nganji l’ona ekwelo boacikitana. Lacin’oka, yombo bato bike bawaki l’ekwelo en’oto’omoko, isei ina Yakomba ko la nganji enefamaki l’isei ina boto’omoko, Yesu Masiya, bamoleka lifula mpula mene eneyali bato bike.

¹⁶Ko nganji eho efakoli la yoi linilamaki l’oto’omoko onilaki’owe; lacina ekeselo en’akambo eneyaki l’oto’omoko eatela bato nk’ekoiyelo, ohonde nganji eneyaki lacin’ena bikwelo bike eatela bato nko boyengo.

¹⁷Ko yombo bewedi beyaaki la mpifo ena lifoka lacin’en’ekwelo en’oto’omoko, iy’anatamba mpula en’isei l’ena nganji eho ena mbongi bangoleka liata mpifo ena lifoka ena liiko l’oto’omoko, nko Yesu Masiya.

¹⁸Koko yoka bosamb’onoki etendelo en’akambo oyaka eneyali bato bahatu l’ekoiyelo lacin’ena ekwelo emoko; nk’osamb’oho boyengo bona liiko boyaki eneyali bato bahatu lacin’en’ekambwa emoko ena mbongi.

¹⁹Yoka bosamb’onoki bato bike oyalamaka bato ban’owe lacin’ena lopoko lon’oto’omoko, nk’osamb’oho bato bike bangoyalama bana mbongi lacin’ena mpika en’imeedyo en’oto’omoko.

²⁰Koko basangya bafamaki lacin’eho ekwelo efule; koko eneki bowe ofulaka, isei isokwaki nko nsokwamene;

²¹lacina, yok’onoki bowe oyalaka la locili lona lifoka en’ewedi, nk’osamb’oho isei late locili lona lifoka la mbongi ena liiko lonelofakale la Yesu Masiya Nkolo eniso.