Read ngando 1 Ba-Kolinto 12 Bible Online

1 Ba-Kolinto 12 - ngando bible

1 Ba-Kolinto 12

¹Bifili, mpalange’oka biinda njeya ena likambo lina baoyi ban’olimo.

²Ino bey’oka, enek’in’oyalaka Befenda, bosumamaki eneyali baidola bana bokukuluku, yoka bosamb’onok’in’osumamaka.

³Lacin’eho, lakosumol’ino, emite, boto onoyatende la Bolimo bona Yakomba afakolana yilisa, ate, Yesu ayali Anateina; ko efan’oto onilisa, ate, Yesu ayali Nkolo, yengoko la Bolimo bon’olotsi.

⁴Nganji ina bekotua l’ekotua iyali, koko Bolimo nk’omoko.

⁵Bikambelo biyali y’ekotua l’ekotua, koko Nkolo nk’emoko.

⁶Bikambwa biyali y’ekotua l’ekotua, koko Yakomba nk’emoko onokamba bikambwa bihitu eneyali bato bahatu.

⁷Koko enyelo ena Bolimo eofama boto l’oto lacin’ena nkita eneyali bato bahatu.

⁸Lacina yoi lina bomwu yofama boto’omoi la Bolimo; koko eneyali’okina yoi lina njeya, nko la Bolimo’oho;

⁹eneyali boto’omoi imeedyo, nko la Bolimo’oho; eneyali’okina nganji ina mbikya, nko la Bolimo’oh’omoko;

¹⁰eneyali boto’omoi ekambelo ena bikambwa bina mpefa; ko eneyali’okina mpoladya en’aoyi; eneyali’oinoi mpokola ena belimo; ko eneyali’okina mposo inay’ekotua l’ekotua; ko eneyali’okina mpoladya ena mposo inifeyana.

¹¹Koko bikambwa bine bihitu biokambama la Bolimo’oh’omoko, ko akafel’oto’omok’omoko, boto l’oto yoka bosamb’onalanga Bolimo.

¹²Yoka bosamb’onoyali yonge nko limoko, ko liyali la bilama bike, ko bilama bihitu, kanga biyali bike, biyali nko yonge limoko, Masiya ayali nk osamb’oho.

¹³Lacin’isatu tinamaki ena Bolimo’omoko, lacin’eho toyalame yonge nko limoko, kanga Ba-Yuda, kanga Ba-Elene, kanga baombo, kanga nsomi; ko isatu tomedyamaki eneyali Bolimo’omoko.

¹⁴Lacin’oka yonge lifayali elama emoko: bilama bind’ike.

¹⁵Yo-mbo likaka lisokoila, ate, Mpayali ena yonge, lacin’oka mpayali likasa; iya, la yoi liho, likaka lifayali nde ena yonge?

¹⁶Ko yombo litoi yila, ate, Ei mpayali enayonge, lacin’oka mpayali liso; iya, la yoi liho, litoi lifayali nde ena yonge?

¹⁷Yombo yonge lihalitulisokoyala nko liso, njoka esokoyala meya? Yomboyonge lihalitu lisokoyala njoka, iya njoka ena nsole, esokoyala meya?

¹⁸Ohonde Yakomba amila bilamaena yonge, elama l’elama nk’eyoka bosamb’onoki’nd’olangaka.

¹⁹Yombo biho bihitu bisokoyala elama nk’emoko kei, yonge lisokoyala meya?

²⁰Kokoisanga bilama biyali bike, koko yonge nko limoko.

²¹Ko liso lifinya yilisa likasa, Mbo emi mpakolang’e; koko bote bofinya yilisa bakaka, Mbo emi mpakolang’ino.

²²Koko yonge lifaonge yengoko la bilama biho bineyatangama bina bolu’olu;

²³ko bilama bina yonge binifakanel’iso yoka bina lokumo, noka toleki likumya biho; ko bilama biniso bininda bokoka bioyalama la bokoka bonoleki;

²⁴koko bilama biniso bin’ekoka bifinde yoka biinda. Yakomba amokolanya yonge lihalitu, ko amokokya lokumo loneloleki eneyali elama l’elama eninda lokumo;

²⁵lacina yonge litongoyata ekambwanelo, ohonde lacina elama l’elama ekanele bilama bihitu.

²⁶Yombo elama emoko een’ino, bilama bihitu bien’ino l’elama eho. Ko yombo elama emoko eokumyama, bilama bihitu bionyangela l’elam’eho.

²⁷Koko ino boyali yonge lina Masiya, ko boto l’oto’onino ayali elama ntutuma ena yonge liho.

²⁸Koko Yakomba amila bamoi en’ekelesia, en’oso bikima, en’ili’oniyo nko bafolali bana baoyi ban’ofisafisa bana Yakomba, en’ili’oniyo nko balaki, en’ili’oniyo bikambwa bina mpefa, en’ili’oniyo biikedyo, la bikambedyo, la bitombanyedyo, ko la bitendelo bina mposo ina bekotua l’ekotua.

²⁹Iya, bahatu bayali nde bikima? bahatu bayali nde basumoli? bahatu bayali nde balaki? bahatu bakambisa nde bikambwa bina mpefa?

³⁰Iya, bahatu baata nde nganji ina mbikya? bahatu batenda nde la mposo ikina? bahatu bahali ngola nde baoyi?

³¹Koko boongya lioka mposa enanganji inileki’olotsi. Koko lakotum’ino bokotua bomoi bonoleki’olotsi nko ndeka mene.