Read ngando 1 Ba-Kolinto 13 Bible Online

1 Ba-Kolinto 13 - ngando bible

1 Ba-Kolinto 13

¹Kanga latenda la mposo in’ato ko la mposo ina bikima bina loola, koko mpana nganji ena lolango, moyalama nko yoka lofoso lon’elonza, yombo lofoso lona nkongo ineyangengela.

²Koko kanga lafoladya befisafisa bena Yakomba, ko leya baoyi ban’ofisafisa bahatu ko la njeya ehatu; kanga njali l’imeedyo ihatu lacin’eho njumole bangonji, enefan’emi nganji ena lolango moyalama nko bototoloto.

³Koko kanga lakafela bato biinda toma tonami tohatotu lacina bale toma, kanga lalekya yonge linami lacin’eho litumbame ena nkoi, ohonde enefan’emi nganji ena lolango mpana nkita tu.

⁴Nganji ena lolango eyali l’isei ina locinji, ko eokamel’ato isei; nganji efoke ekuku; efayokumya ehoamene; ko efayofefa ehoamene;

⁵efakambe baoyi banafakolana, efafone baoyi banalang’ehoamene, efasongwa, efaakole bato bowe;

⁶efanyangele baoyi baninda mbongi, ohonde eonyangela baoyi bana solosolo;

⁷nganji eitedya baoyi bahatu, eimedya baoyi bahatu, eolengedya baoyi bahatu, eocindelana locinji en’aoyi bahatu.

⁸Nganji ena lolango efakale; ohonde yombo mpoladya ina befisafisa bena Yakomba iyali, iho inguma; ko yombo mposo iyali, iho ingosila; ko yombo njeya eyali, eho inguma.

⁹Lacin’iso teya baoyi nk’etenyi, ko tofoladya baoyi nk’etenyi;

¹⁰ohonde enengi baoyi banakolana oya, baoyi banayaaki nk’etenyi kei banguma.

¹¹Eneki’m’Oyalaka bonome, ntendaki yok’onome, njokaki yok’onome, nkanelaki yok’onome; ohonde eneki’m’otundak’oto, mumola bokotua bon’onome.

¹²Isanga tena nk’eyoka ena talatala, yok’oto onena ena loonge; koko en’esik’eho tongenana elongi l’elongi; isanga leya baoyi nk’etenyi, koko en’esik’eho nongeya fololo, nk’eyoka bosamb’onoki’m’oeyanaka fololo.

¹³Koko isanga baoyi’ane basaso baciki: nk’imeedyo, la lolendedyo la nganji ena lolango; koko la bah’asaso, onoleki nko nganji ena lolango.