Read ngando 1 Ba-Kolinto 16 Bible Online

1 Ba-Kolinto 16 - ngando bible

1 Ba-Kolinto 16

¹Ena likambo lina esusanyedyo ena nganji lacin’ena ban’oeka, ino bilaka yoka bosamb’onoki’m’osumolaka bikelesia bina Ngalatia.

²En’ina bon’oso bon’eyenga, boto l’oto’onino amonyake nganji bosamb’onoki nkita ofulaka eneyal’ende, ko amonya nganji iho, lacin’eho enengi’m’oya tofaate lakina bisusanyedyo bina nganji.

³Ko enengi’m’oyela enek’ino, nongotoma bato banimedy’ino bolotsi l’ekanda, lacin’eho batole nganji inino ena Yelusalema;

⁴ko yombo ekoli lacin’emi ncu nkoho, iyo bangocoa nko l’emi.

⁵Koko enengi’m’okadya litianya Makedonia, nongoya eneyal’ino, lacin’emi nongotianya Makedonia.

⁶Yombo nsokoyala l’ino isisali, ko yombo nongokadya esike ena lifia enek’ino, lacin’eho boncindedya en’okita bonongi’m’ocoa.

⁷Lacina mpalange’oka nkeen’ino isanga, nk’enalekan’emi kei: lalengedy’oka nongokinda l’ino isisali, yombo Nkolo aimedya.

⁸Ohonde nongoyala ena Efeso yengoko esike ena Pentekoseta;

⁹lacin’oka lokombo lona lokolo ko loneloonga lomokombwa eneyal’emi, ko basimbi band’ike.

¹⁰Yombo Timoteo angoya, boongya yila lacin’eho ayalame l’ino efan’ofolu; lacin’ende ayakambe ekambwa ena Nkolo yoka bosamb’onakamb’emi.

¹¹Lacin’eho, botimedyake lacina boto aotembole. Bocindedy’ende nko la mwi, lacin’eho aye eneyal’emi; lacin’oka emi njolengedy’ende l’ifili’imoi.

¹²Koko mbondaki Apolo efili eniso nko mbonda mene lacina acu eneyal’ino l’ifili, koko atalanga liya isanga tu; koko enengi’nd’oata etelo enakolana, angoya.

¹³Botombanyaka, bemalaka la locili en’imeedyo, boyalama mpame mene, boyalama la locili.

¹⁴Bao yi’anino bahatu bailamake la nganji ena lolango.

¹⁵Koko bifili, bomey’oka ecimo ena Setefano bayali nko bemamo ben’oso bana Akaya, ko bamoyoil’iyoamene bakambi bana ban’oeka,

¹⁶lakoond’ino, bofike bato bana bokotu’oho ko la boto l’oto onotokambya ko onokamb’ikambwa.

¹⁷Lakik’ekiko lacin’ena eyelo ena Setefano la Folutunato la Akaiko; lacin’oka iyo bankokedyaki eho enetamp’ino.

¹⁸Lacin’iyo bacicimodyaki bolimo’onami l’ino; lacin’eho, boongya yimedya bato ban’okotu’oho.

¹⁹Bikelesia bina Asia bakees’ino. Akwila la Pulisekila bakees’ino bike eneyali Nkolo, iyo l’ekelesia eneyali en’otumb’oniyo.

²⁰Bifili bihitu bakees’ino. Beesana la bolumba bon’oeka.

²¹Boeso bonami, Paulo, la likasa linamamene.

²²Nko boto afoke Nkolo nganji, ayalamake anatema. Nkolo eniso ayayi!

²³Isei ina Nkolo Yesu Masiya iyalamake l’ino.

²⁴Lolango lonami loyale eneyal’inatu eneyali Masiya Yesu. Ndoho.