Read ngando 1 Ba-Kolinto 5 Bible Online

1 Ba-Kolinto 5 - ngando bible

1 Ba-Kolinto 5

¹Yoi limosekola, iy’ate lisamba liyali enek’ino, ko lisamba lin’omun’oho lifayali eneka Befenda mene, lacina omoi ayali l’ooli bon’afango’onande.

²Ko ino boyofef’inoamene, ko botoka lokeseli lacin’eho bumole boto onilaki yoi line eneyal’ino.

³Koko emi, kanga mpayali enek’ino la yonge, njali meho l’olimo, ko mokadya likoiya boto’oho onilaki yoi line likambo, nk’eyok’emi njale meho isanga.

⁴Ena lina lina Nkolo eniso Yesu, enasolongan’ino, ino l’olimo’onami, la mpamba ena Nkolo eniso Yesu,

⁵boto’oho alekyamake eneyali Satana lacin’eho yonge yehyame, koko lacina bolimo bike en’ina bona Nkolo Yesu.

⁶Njofefa enayofef’ino efan’olotsi. Bofeya nd’oka imbu ina nyango ena mampa yosangya bomaka bohotu bona mampa?

⁷Lacin’eho, bumola nyango ena mampa en’alale lacin’eho boyalame bomaka bon’ototo, lacin’ino biinda nyango ena mampa. Lacin’oka Masiya, mpate eniso ena Etelo, amosila liyakama mbeka lacin’eniso.

⁸Lacin’eho, akoli eneyal’iso tole elambedya, efa la nyango ena mampa en’alale, ko efa la nyango ena mampa en’owe l’ena lofundo: tole elambedya la mampa enefana nyango, nko mampa en’olotsi l’ena solosolo.

⁹Nkotengelak’ino en’okanda, emite, Botasimbanake efili l’ato bana lisamba;

¹⁰ohonde ntila, emite, Boalanaka l’ato bana lisamba bana loko lone, ko l’iy’anoka toma mposa eneleki, ko la bakumoli, ko l’iy’anakumya baidola, nko njalana mene: yombo bosokomeka yok’oho, tumbe bosokouma ena loko.

¹¹Ohonde nkotengelak’ino lacina bofasimbane l’oto onotangama efili yombo boto’oho ayali boto’ona lisamba, yombo aoka toma mposa eneleki, yombo ayali bokumi’ona baidola, yombo atang’ato lotango, yombo alangwa ma-ma l’aana, yombo ayali bokumoli: botalake nko le toma l’oto onoyali yok’osamb’oho.

¹²Emi nsokotendel’iy’anayali en’anza bakambo bosamb’oya? Ino bofatendele iy’anayali ena ntundulu bakambo?

¹³Yako-mba kongoatendel’iy’anayali en’anza bakambo. Ino bumola boto’oho on’owe eneyal’ino.