Read ngando 2 Ba-Kolinto 13 Bible Online

2 Ba-Kolinto 13 - ngando bible

2 Ba-Kolinto 13

¹Bone nko boya bon’esaso bonay’emi eneyal’ino. Baoyi l’aoyi bahatu bangakama l’enyua bena temoins ife yomb’isaso.

²Ntendaki en’oso, ko isanga latenda en’oso kuma ntayi, nk’osambo bonoki’m’otendaka eneki’m’oyalaka l’ino ena boya bonami bon’efe, lasumol’iy’anilaki bowe en’oso ko l’ato bahatu, emite yombo loya lakina mpokaki isei;

³lacin’oka ino bofona ndembi ena Masiya onoyatende l’onyu’onami; ende afayali bolu’olu eneyal’ino: ayali nko la locili eneyal’ino.

⁴Kang’ende aakamaki en’ekulusu la bolu’olu, ayaike la mpamba ena Yakomba. Lacin’iso nkoho toyali bolu’olu eneyal’ende, koko tongika l’ende nko la mpamba ena Yakomba eneyali eneyal’ino.

⁵Boyomekak’inoamene, yombo boyali en’imeedyo iho; boyosisolaka inoamene. Inoamene bofanonganya nd’oka Yesu Masiya ayali eneyal’ino?—yengoko bosokoyala bato banakoiyama ena lomeko.

⁶Koko emi lalengedy’oka ino bongey’oka iso tofakoiyame ena lomeko.

⁷Iso toonda Yakomba lacin’eho bofile yoi limoko lin’owe; efa lacin’eho iso tenya yoka totangam’olotsi ena lomeko, ohonde lacin’eho ino bile bolotsi, kang’iso totangama yoka bato banakoiyama ena lomeko.

⁸Lacin’oka solosolo efasimbama la yoi linakambis’iso: iso tokamba nko lacin’ena solosolo eho.

⁹Yombo iso toyali bolu’olu kum’ino boyali la locili, tonyangela; ko toonda lacin’eho ino bokolane la mbongi enakolana.

¹⁰La ncin’ene emi latenga baoyi’ane kuma mpayali l’ino, lacina, enengi’m’oyala l’ino, mpile baoyi bana locili, yoka bosamb’onoyali etelo eneki Nkolo ompaka lacin’eho nkiky’ato, efa lacina njakoiya.

¹¹Yoi lin’esimbelo, bifili, bokikaka; bokolanyama ena mbongi enakolana; bocicimodya betem’enino; boyalaka la lokanyi lomoko; boyalaka la mwi; ko Yakomba ena nganji l’ena mwi angoyala l’ino.

¹²Bosangelana la bolumba bona boeka.

¹³Ban’oeka bahatu bakees’ino.

¹⁴Isei ina Nkolo Yesu Masiya, la nganji ena Yakomba, l’eambanelo ena Bolimo bon’olotsi, bayalamake l’inatu. Ndoho.