Read ngando 2 Ba-Kolinto 6 Bible Online

2 Ba-Kolinto 6 - ngando bible

2 Ba-Kolinto 6

¹Ko is’anambana l’ende en’ekambwa tokoond’ino lacina bofatambe isei ina Yakomba bototoloto,

²(lacin’ende aila, ate, Nkolofamelaki en’esike enetangam’olotsi, Ko nkokambyaki en’ina bona liiko: lenda, esike enetangam’olotsi nk’ene; lenda, bina bona liiko boh’one).

³Tofilele boto yoi lin’etaketaka lin’ekumbelo, lacina ekambelo eniso etongotangama bowe;

⁴ohonde en’aoyi bahatu toyoatel’isoamene lokumo l’ato, yoka bakambi ban’ekambwa ena Nkolo, ena mbitedya bike, ena bino, ena beelingitano bike, ena nkaka bike,

⁵ena mpomi, en’enyolo, ena bitomoko, ena bikambwa, ena betombanya, ena nkila ena toma;

⁶en’aoyi bana soto, ena njeya, en’isei ina locinji, en’isei mene, en’olimo bon’olotsi, ena nganji ena lolango enefana mpoci;

⁷ena yoi lina solosolo, ena mpamba ena Yakomba; la bimunyi bin’ita bina mbongi en’ili bona likasa y’ome l’en’ili bona likasa y’ooli;

⁸la lokumo, la biinda bona lokumo, la lokumo lon’olotsi, la lokumo lon’owe; yoka besimo, kanga toyali bato bana solosolo

⁹yoka banafeyana, kanga teyan’olotsi; yoka banayawu, koko lenda, toyaike; yoka banasisodyama, koko tofayakame;

¹⁰yoka banoka lokeseli, ohonde tonyangela bisike bihitu; yoka ba’to biinda, ohonde tofuedya bato bike lituka; yoka banafan’iyema tu, kanga toyali la toma tohatotu.

¹¹Ino baise Kolinto, bonyu’oniso boumbwa eneyal’ino, botem’oniso bolola la mposa eneyal’ino.

¹²Bofayali yoka ena ekami lacin’eniso, ohonde bomokama yok’ekami en’etem’eninoamene.

¹³Ekoli lacin’ino butodya nkuto en’okotu’oho ek’ene: boongya lilola la mposa nk’osamb’oho (latenda yok’eneyali ban’anami).

¹⁴Botambanake l’ato banafan’imeedyo en’eamba nelo enefakolana kocu; lacina mbongi la bowe bayali l’eambanelo yok’osamb’oya? ko fololo eosimbana la bilima yok’osamb’oya?

¹⁵Ko Masiya la Belialabasangi bosamb’oya? ko liondo lineyata boto onimedya la boto onofimedya lika nai?

¹⁶Ko botumba bona Yakomba bon’oeka boambana la baidola en’eambanelo yok’osamb’oya? Lacin’iso toyali botumba bon’oeka bona Yakomba eneyaike; yoka bosamb’onoki Yakomba otendaka, ate, Nongotonga eneyal’iyo, ko nongeta ena ntoto eniyo; ko nongoyala Yakomba eniyo, ko iyo bangoyala bato’anami.

¹⁷Lacin’eho, Yawe aila, ate, Buma eneyal’iyo, ko bosekyama nk’ino kei, Ko botasukake iyema ina nsefo tu; Ko nongokotamb’ino,

¹⁸Ko nongoyala Bafango’onino, Ko ino bongoyala ban’anami bana mpame l’an’ayato, Yawe ona mpamba ehatu atenda yok’osamb’oho.