Read ngando Ba-Ngalatia 6 Bible Online

Ba-Ngalatia 6 - ngando bible

Ba-Ngalatia 6

¹Bifili, yombo boto’omoi akingedyama en’ekambelo ena yoi limoi lin’owe, ino bato bana Bolimo bucisa boto’oho la bolimo bona bongompolu; ko eamene ongya liyosisola, otongomekama ena lomeko.

²Botoelana belito’enino: yok’oho bongomonya boeka bona Masiya.

³Yombo boto akanela ate ayali la lokumo kum’afana lokumo, yok’oho ayofot’endamene.

⁴Ohonde boto l’oto asisolake ekambwa enandamene, ko nkwaho angoyokumya lacin’enandamene kei, efa lacin’enalek’ende boto’okina.

⁵Lacina boto l’oto angotola bolito bonandamene.

⁶Akoli eneyal’ende onolakama ena yoi, aof’ende onolaka liondo lina toma tohatotu tonat’olotsi.

⁷Botafotamake; Yakomba afasisedyama; lacina boto l’oto angonuka nk’eyoka bosamb’onoki’nd’ofusaka.

⁸Lacin’ende onofusa eneyali yonge linandamene, angonuka ena yonge liho nko botuku; koko onofusa eneyali Bolimo, angonuka eneyali Bolimo liiko lonelofakale.

⁹Totalembwake en’ekambelo ena bikambwa bin’olotsi: nko tofatenya, tongonuka en’esike enakolana.

¹⁰Lacin’eho, enat’iso etelo akoli lacina tosaele bato bahatu ekambwa en’olotsi, koko la ndeka tosael’iy’anayali en’oloi bon’imeedyo iho.

¹¹Bolenda lettres in’ikolo inakotengel’emi la likasa linamamene.

¹²Iyatu banalanga lacina baate lokumo lona baoyi bana yonge, bakosomy’ino losomo lacina bokesame yonge, batongoyenyama bino lacin’ena ekulusu ena Masiya.

¹³Koko le bato’aho banakesama yonge bafamonya basangya; koko balang’oka ino bokesame yonge lacin’eho bayofefe lacin’ena baonge’anino.

¹⁴Koko emi mpayokumya tu, yengoko lokumo lonakumy’emi ekulusu ena Nkolo eniso Yesu Masiya; en’okut’onami, loko lohalotu lomolakama en’ekulusu l’ende; ko en’okuta bona loko, emi molakama en’ekulusu.

¹⁵Lacina, eneyali Masiya Yesu, nkesa ena yonge efan’ekambwa, ko biinda bona nkesa ena yonge bofan’ekambwa: ekambwa mene nko boto on’enunwelo ena ntoto.

¹⁶Mwi l’isei eneyal’iyo banayakende yoka bosambo bonoyali lelelo lone, ko l’eneyali Ba-Yisalaele bana Yakomba.

¹⁷En’esik’ene boto atannyomake; lacin’emi njatole ndembi ina Nkolo Yesu nk’ena yonge linami.

¹⁸Bifili, isei ina Nkolo eniso Yesu Masiya iyalamake la bolimo’onino. Ndoho.