Read ngando Ba-Efeso 2 Bible Online

Ba-Efeso 2 - ngando bible

Ba-Efeso 2

¹Ko akiikyak’ino nkoho, in’anayaaki en’ewedi lacin’ena bikwelo ko la baoyi’owe’anino,

²banak’in’o kendaka l’aho en’oso, yoka bosambo bonoyali bokotua bona loko lone, bosamb’onoyali lifoka lina mpamba en’efoefoe, nk’olimo bonoyakambe isanga en’etema ben’an’ana lopoko;

³iso nkoho tokendaki’oso, isatu l’iyo, nko la mposa inileki ina baonge’aniso, tokambaki baoyi banalanga yonge ko la banalanga lokanyi, ko toyaaki, nk’en’eotwelo, ban’ana nkele, yoka bosamb’o noyali bato’akina.

⁴Koko Yakomba onoleki isei, ko lacin’ena bonganjinganji bonoki’nd’otookaka,

⁵atiikyaki iso la Masiya laanda lomoko, nko kum’iso toyali en’ewedi lacin’ena baoyi’owe’aniso (bomolikyama nko l’isei),

⁶ko ateetolaki en’ewedi, iso l’ende, ko atofaki iso l’ende ekisel’ase ena bekala bena loola, eneyali Masiya Yesu;

⁷lacin’eho ena bisike biningoya linga aenyanya botukatuka bon’isei inande nko la bongompolu bonande eneyal’iso lacin’ena Masiya Yesu,

⁸lacin’oka bomolikyama nko l’isei lacin’en’imeedyo; ko iho ifayali ininoamene: nganji ena Yakomba nd’iho;

⁹ko ifayali ina bikambwa, lacina boto atoyokumya.

¹⁰Lacin’iso toyali ekambwa enande, eneki’nd’onunolaka eneyali Masiya Yesu lacin’eho tokambe bikambwa biney’olotsi, biniki Yakomba okolanyak’oso lacin’eho tokende la biho.

¹¹Lacin’eho, boongya likanedy’oka ino boyaaki’ale nko Befenda ena yonge; ko iy’anatangama boloi bona Nkesa ena yonge (nk’ekeselo enilama l’akasa ena yonge y’oto) bakotang’ino boloi bona Biinda bona Nkesa ena yonge;

¹²ko bokanedy’oka en’esik’eho ino boyaaki bosana la Masiya, ko boelanaki l’oloi bona Ba-Yisalaele, ko boyaaki befenda eneyali biteelo bin’asangya bin’esemba, ko botaat’ale lolendedyo, ko biindaki Yakomba ena loko.

¹³Koko isanga, eneyali Masiya Yesu, in’anayaaki’ale bosana mene bomololama lacin’ena bakila bana Masiya.

¹⁴Lacin’oka ende ayali eambanelo eniso en’efili, nk’ende onambanyaki bah’afe lacina bayalame omoko, ko aumolaki bokako bona ndelo bonoyaaki en’atenyi;

¹⁵ko ena yonge linande akadyaki njoka en’owe, nko basangya bana beeka ko la ntomo; lacin’eho l’iy’afe anunole eneyal’endamene boto’omoko on’ototo, ko yok’oho aile eambanelo en’efili;

¹⁶lacin’eho aambany’iy’afe en’efili la Yakomba ena yonge limoko l’ekulusu, ko ayakaki njoka en’owe l’eho.

¹⁷Ende ayaki ko asekodyaki bosimo bona mwi eneyal’ino banayaaki en’osana ko l’eneyal’iyo banayaaki mbolimboli;

¹⁸lacin’oka iso’afe toata l’ende etuelo eneyali Bafango la Bolimo’omoko.

¹⁹Lacin’eho, ino bofayali lakina Befenda la bato banayali en’anza: ino boyali nko bamene’ola banambana la ban’oeka, ko boyali ena bomboi bona Yakomba;

²⁰bofaki en’eango en’otumba ena bikima ko l’asumoli, Masiya Yesu mene ayali lufe lina likoka linay’oso;

²¹ko bitenyi l’itenyi biambanyama cilili eneyal’ende, ko biocoa oyalama botumba bon’oeka eneyali Nkolo;

²²ko ino bomofakama eneyal’ende nkoho, lacina boyalame litonga lina Yakomba ena Bolimo.