Read ngando Ba-Filipoi 3 Bible Online

Ba-Filipoi 3 - ngando bible

Ba-Filipoi 3

¹Yoi lina ncindedya, bifili, bonyangelaka eneyali Nkolo. Bolotsi eneyal’ino nkotengel’ino baoyi’ane, ko emamene mpoke baho lonungo tu.

²Bolendaka mbwa, bolendaka bakambi ban’owe, bolendaka bakesi;

³lacin’iso toyali Boloi bona Nkesa ena Yonge, is’anakumya Yakomba lokumo la Bolimo bon’olotsi, ko tokumya lokumo lacin’ena Masiya Yesu, ko tofile’otema eneyali yonge,

⁴kang’emamene nsokokolana yila botema eneyali yonge. Yombo boto’omoi akanela, ate akolana yilisa botema eneyali yonge, emi njolek’ende;

⁵emi nkesamaki yonge en’ina bona mwambi, njali on’onyanga bona Yisalaele, on’oloi bona Benyamina, emi nde nde Bise-Ebele mene ona Ba-Ebele; ena yoi lina Basangya, emi njaaki Bofalusi;

⁶ena likambo lina mposa, emi nyomaki ekelesia; ena likambo lina mbongi eneyali ena basangya, ntaata likambo lina lofeli.

⁷Koko baoyi banayaaki nkita eneyal’emi, motanga baho nko bototoloto lacin’ena Masiya.

⁸O solosolo, lakanela baoyi bahatu nko bototoloto lacin’ena bolotsi bona ndeka bona njeya ena Masiya Yesu, Nkolo enami. Mbungyaki baoyi bahatu lacin’enande, ko lakanela baho nko bailo, lacin’eho mbate Masiya,

⁹ko nsungyame eneyal’ende, efa la mbongi enamamene, nko mbongi eneyali en’asangya; ohonde la mbongi eho eneyali lacin’en’imeedyo eneyali Masiya, nko mbongi enatama eneyali Yakomba l’imeedyo;

¹⁰lacin’eho njeye ende, ko la mpamba en’eetwelo enande enek’anawaki, ko l’eambanelo ena bino binande, lacin’eho nkolane l’ewedi’enande;

¹¹yombo layelisa en’eetwelo enande enek’anawaki.

¹²Mpile’oka molata isanga, ko efa lacina mokolana nko nkolana isanga; ohonde njombokenda la locinji, yombo nongokolana yundisa eho eneki’m’oundamaka la Masiya Yesu.

¹³Bifili, mpile’oka mosila yund’eho; ohonde emi lila yoi limoko: lofela baoyi banayali ena mbusa, ko lafona la mposa mene baoyi banayali en’oso,

¹⁴njombocoa la locinji eneyali ndembi eneyali ena nsimbo lacin’eho ntambe boluko bonoyali eneyali Masiya Yesu, nko mbelela la Yakomba ena liko.

¹⁵Lacin’eho, akoli eneyal’isatu banatunda en’imeedyo toongya likanela baoyi bana lokanyi lone; ko yombo bofakanele yok’osamb’one ena yoi limoi, Yakomba angokofiswela liho nkoho;

¹⁶koko akoli eneyal’iso tokusa likenda bina l’ina nko la lelelo lonok’is’oyelaka.

¹⁷Bifili, ino bookolaka bokotu’onami, ko bolendaka iyo banayakende yok’osamb’oho, bosamb’onat’ino iso yoka ndembi ena lilako.

¹⁸Lacina bato bike ba yakende banaki’m’okosumolak’oso besumola bike, ko lakosumola isanga nko la mposoli, emite bayali baokyi’owe ban’ekulusu ena Masiya;

¹⁹esimbelo eniyo nko mbeha, yakomba eniyo nko likunju liniyoamene, ko njofefa eniyo eyali nk’ena nsoi eniyo, ko bakanela nko baoyi bana loko.

²⁰Koko iso toyali baise loola; ko tolengedya Boiki onoyayi meho, nko Nkolo Yesu Masiya;

²¹onongonunola yonge lin’eehedyo eniso lakina, lacin’eho likolane la yonge lina bokonde’onande, lacin’ena ekambelo eniny’ende yila baoyi bahatu ena lifoka linandamene.