Read ngando Ba-Kolosai 4 Bible Online

Ba-Kolosai 4 - ngando bible

Ba-Kolosai 4

¹Ino banyangetuke, bilelaka baombo’anino baoyi bana mbongi banakolana; lacina bey’oka inoamene boyali la Ngangetuke ena loola.

²Bocindelana ena boondo la locinji, botombanyaka ena boho la nkanga ena lokango.

³Ko botoondelak’iso nkoho, lacin’eho Yakomba atokombwele lokombo lacin’ena yoi liho, lacin’eho tosumole bato yoi litutuma lin’ofisa lina Masiya, linaliki’m’otungamaka lacin’ena liho;

⁴lacin’eho njile liho ena fololo, yoka bosamb’onakolana l’emi lacina ntende.

⁵Bokendaka la bomwu eneyal’iyo banayali en’anza, biikolaka bietelo.

⁶Etendelo enino eyalamake bina l’ina nko l’isei, nko mbongya nk’eyoka l’okwa, lacin’eho beye bokotua bonokoli l’ino lacina bokutwele boto l’oto.

⁷Tukiko onoyali efili onolangama, l’okambi’ona solosolo, la boombo onambana l’iso eneyali Nkolo, angokosumol’ino baoyi bahatu banayali eneyal’emi;

⁸molotoma eneyal’ino la ncina ene ntutuma, lacina beye bokotua bonoyal’iso esik’ene, ko lacina akokikedya betem’enino.

⁹Molotom’ende la Onesimo, efili ena solosolo l’onolangama, onoyali boto’oninoamene; iyo bangokosumol’ino baoyi bahatu banilama mendo.

¹⁰Alisitaluko onotungi l’emi en’onyolo akese’ino, ende la Malako mbotwa ena Balunaba (ino bomosila yata lotomo lacin’enande—nk’angoya eneyal’ino, botambe);

¹¹ko la Yesu onotangama Yuseto, banayali en’oloi bona nkesa ena yonge: nsimbo en’asali banambana l’emi en’osala lacin’ena lifoka lina Yakomba nk’iyo, koko iyo bamonkikedya bolema bike.

¹²Epafula, onoyali boto’oninoamene, boombo’ona Masiya Yesu, akees’ino, ayakoondel’ino la mposa mene bina l’ina, lacin’eho bemale la mbongi nko nkolana, ko la njimedya mene en’eango ena Yakomba ehatu.

¹³Emi lila lacin’enande, mbo ende akook’ino mposa bike mene, ko l’iy’anayali ena Laodikiya, ko l’iy’anayali ena Yelapoli.

¹⁴Luka, bonganga onolangama, akees’ino, ende la Dema.

¹⁵Beesaka bifili biniyali ena Laodikiya, ko la Numpa, ko l’ekelesia eneyali en’otumb’onande.

¹⁶Ko enengi bokand’one oandama eneyal’ino, botomaka boho lacina boandame en’ekelesia eneyali ena Laodikiya nkoho; ko ino bandaka bokanda bonoya ena Laodikiya nkoho.

¹⁷Ko bosumola Alukipo, in’ate, Ongya likanedya ekambelo enek’otambaka eneyali Nkolo, lacin’eho oonge en’ekambwa eho.

¹⁸Boeso’onami, Paulo, la likasa linamamene. Boofwa benyolo benami. Isei iyalamake eneyal’ino. Ndoho.