Read ngando 1 Ba-Tesalonike 1 Bible Online

1 Ba-Tesalonike 1 - ngando bible

1 Ba-Tesalonike 1

¹Paulo la Silwano la Timoteo, eneyali Ekelesia ena baise Tesalonike eneyali eneyali Yakomba Bafango ko la Nkolo Yesu Masiya: Isei la mwi eneyal’ino.

²Iso tokanga Yakomba lokango lacin’en’inatu bisike l’isike, ko tokokanedy’ino l’aina en’eondo’eniso.

³Tokanedya bina l’ina behetu bosal’onino bon’imeedyo, la bikwamba binino bina nganji ena lolango, ko la locinji lonino lona lolendedyo eneyali Nkolo eniso Yesu Masiya, en’oso bona Yakomba Bafango’oniso.

⁴Bifili banalangama la Yakomba, iso teya esonamelo enino,

⁵lacin’oka bosimo’oniso bon’olotsi botaya eneyal’ino ena yoi ntenda kei: boyaki la mpamba nkoho, ko l’ena Bolimo bon’olotsi, ko l’ena mpula mene en’imeedyo; yoka bosamb’onok’in’oeyaka bokotu’oniso bonok’is’oyalaka eneyal’ino lacin’enino.

⁶Ko ino bookolaki bokotu’oniso njokola, l’oniso l’ona Nkolo, enek’in’otambaka yoi la bino bike ko l’ekiko ena Bolimo bon’olotsi.

⁷Ko yok’oho boyalamaki ndembi ena lilako eneyal’iyatu banimedya ena Makedonia l’ena Akaya.

⁸Lacin’oka yoi lina Nkolo limokumyama eneyal’ino, ef’ena Makedonia l’ena Akaya kei: en’ili behetu imeedyo inimedy’ino Yakomba imeyana; ko iso tofana ncina lakina ena ntenda yoi limoi.

⁹Lacina iyoamene baofwa bokotua bon’etuelo enek’is’otuaka eneyal’ino, ko l’okotua bonok’in’oumbelaka baidola, ko bokengwaki eneyali Yakomba, lacin’eho bosaele Yakomba eneyaike l’ena solosolo,

¹⁰ko lacin’eho bolengedya eyelo ena Bon’onande enay’ende ena loola, onoki’nd’oetolaka enek’anawaki, nko Yesu, onototungol’iso ena nkele enengoya.