Read ngando 1 Ba-Tesalonike 2 Bible Online

1 Ba-Tesalonike 2 - ngando bible

1 Ba-Tesalonike 2

¹Bifili, inoamene bey’oka etuelo eniso eneyal’ino etayal’ale bototoloto.

²Koko enek’is’oenaka bino en’oso ko la mpomi en’onyanga bona Filipoi, yoka bosamb’oney’ino, toyalamaki la nkaso eneyali Yakomba eniso lacin’eho tokosumol’ino bosimo bon’olotsi bona Yakomba, kanga basimbi bike bayali.

³Lacina lilako liniso litayala lina bokandokando, ko la nsefo, ko la longo;

⁴ohonde totendaki yok’onok’is’oimedyamaka bolotsi la Yakomba lacina atosukya bosimo bon’olotsi; ef’oka toyafone lokumo eneyali bato: lokumo loniso nk’eneyali Yakomba onosisola betem’eniso.

⁵Lacin’ino bey’oka etaate esike emoko enek’is’oyaka l’aoyi bana bolambyalambya, ko totaya l’ekundelo ena mposa ena toma eneleki, Yakomba ayali temoin en’aoyi’ane;

⁶ko totakemba lokumo eneyali bato, kang’eneyal’ino, kang’eneyali bato’akina; solosolo toyaaki nko bikima bina Masiya, ko yombo tosokolanga, tumbe tomoyalama l’olito eneyal’ino.

⁷Ohonde toyaaki l’ongompolu ena ntoto enino, yoka baale onolola ban’anandamene njolola.

⁸Ko lacin’oka tokookak’ino mposa mene yok’oho, totangaki’olotsi is’ate tokof’ino, efa bosimo’on’olotsi kei, ohonde belimo’enisoamene nkoho, lacin’oka tomokolang’ino la nganji mene ena lolango.

⁹Lacin’ino boofwa, bifili, bosal’oniso ko l’ekambwa eniso ena locili, bokotua bonok’is’osalaka l’ane l’oco, totongoyatela omoi’onino bolito, ko tokosumolak’ino bosimo’on’olotsi bona Yakomba nko yok’oho.

¹⁰Ko ino boyali temoins, ino la Yakomba nkoho, bokotua bonok’is’oyalaka ena ntoto enino banimedya, nko l’aoyi bana boeka, ko la baoyi bana mbongi, ko totayala l’aoyi banakolana la lofeli tu.

¹¹Bomeya bokotua bonok’is’oilelaka boto l’oto’onino yoka bosamb’onila bafango l’an’anandamene, tokoondaki, ko tokokikyaki, ko tokosumolaki,

¹²lacin’eho bokende l’ekendelo enekoli l’ato bana Yakomba, nko Yakomba onokeelel’ino ena lifoka linandamene la bokonde.

¹³La ncina ene, iso tokusa likanga Yakomba lokango bina l’ina, lacin’oka, enek’in’otambaka yoi lina Yakomba linalik’in’ookaka eneyal’iso, botambaki liho, efa yoka yoi lin’ato, ohonde nk’eyoka yoi lina Yakomba, ko liyali yok’osamb’oho solosolo; ko liho liyakambe en’etem’enino banimedya.

¹⁴Lacin’ino, bifili, bookolaki bokotua bona Bikelesia bina Yakomba biniyali eneyali Masiya Yesu ena Yudea; lacin’oka ino benaki bino eneyali bato ban’onyang’oninoamene yok’onok’iy’oenaka bino eneyali Ba-Yuda,

¹⁵nko Ba-Yuda banayakaki nko le Nkolo Yesu nko le basumoli, ko batiitanyak’iso. Yakomba afakike l’ato’aho, ko bayali baokyi’owe ban’ato bahatu.

¹⁶Iyo batofekya, mbo totatendake la Befenda, batongoyika. Yok’oho bafudya bikambwa biniyo bin’owe bina l’ina; ohonde nkele eneleki nko ndeka emoya eneyal’iyo.

¹⁷Koko iso, bifili, enek’is’oalanaka l’ino ilalela— nk’ena yonge kei, ef’en’otema—tomekaki la mposa mene lacina tene bilongi binino nko la ndanga mene.

¹⁸Tosokolanga lacina toye eneyal’ino bisike bike, nk’emi Paulo, koko Satana aotofekya.

¹⁹Lolendedyo loniso loka nai? l’ekiko eniso eka nai? la likuka liniso lina lokumo lika nai? Efende nk’ino en’oso bona Nkolo eniso Yesu en’eyelo enande?

²⁰O, lokumoloniso l’ekiko eniso nk’ino.