Read ngando 1 Timoteo 2 Bible Online

1 Timoteo 2 - ngando bible

1 Timoteo 2

¹Yoi lin’oso linakosumol’emi liho line: bato balombake Yakomba ndomba, ko baonde beondo, ko baondele bakin’ato, ko bakange lokango, lacin’ena bato bahatu;

²lacin’ena bafoka bana rois ko la bamene lifoka bahatu, lacin’eho toate etelo okamba kibambwa biniso efana lofoso, nko la mwi, ko l’ekumedyo ena Yakomba ko la bokotua bona lifiko.

³Bokotu’one boonga, ko bond’olotsi en’aiso bana Yakomba Boiki’oniso,

⁴onolanga, ate basto bahatu baike, ko bayele ena njeya ena solosolo eho.

⁵Lacina Yakomba ayali nk’emoko, ko bolekya en’atenyi bana Yakomba l’ato nk’omoko, nko bota, Masiya Yesu;

⁶onoyolekyak’endamene mbiko lacin’en’ato bahatu—yoi liho yasumolama ena bisike binakolana la liho.

⁷Emi njilamaki bosumoli ko l’ekima ena yoi liho (latenda nko solosolo: mpafote), bolaki bona Befenda en’imeedyo l’ena solosolo.

⁸Lacin’eho, lalang’oka mpame baonde en’ili l’ili, kuma bailedya bakasa ban’oeka, efana nkele ko efana ntango.

⁹Ko akoli eneyali bayato bayolots’iyoamene bisenda binakolana, l’okotua bona nsoi ko la njofima; efa la lifo ndoha, ko la ndota ena wolo la perles la bisenda bin’otuya mene:

¹⁰balote nko bikambwa bin’olotsi (nk’okotua bonakolana l’ayato banayctang’iyoamene bakumi bana Yakomba).

¹¹Akoli eneyali boyoto aekele la mwi ko la lifiko lihalitu.

¹²Mpimedy’oka boyoto alake, ko ayalame nyangetuke ena bome: akoli lacina ayalame nko mwi.

¹³Lacin’oka Adama kongonunolamaki’oso, ko Ewe ena mbusa;

¹⁴ko Adama atafotama, boyoto kongoafotamaki, ko akwaki en’owe.

¹⁵Ohonde bayato bangika ena mbota en’ana yombo bacindelana en’imeedyo l’ena nganji ena lolango l’ena njekyama en’oeka la lokanyi lona njosimba.