Read ngando Tito 3 Bible Online

Tito 3 - ngando bible

Tito 3

¹Oaofodya lacina bafike bafoka ko l’ato bana lifoka, batapokake lopoko, ohonde bakolane likamba ekambwa l’ekambwa en’olotsi;

²batatangake boto lotango, bataatake ntango l’ato: bayalame la bongompolu, ko batume bato bina l’ina bokotua bona njofima.

³Lacin’oka iso nkoho toyaaki’ale l’okotua bona tolemeleme, ko la lopoko, tofotamaki, toyaaki ena yombo lina mposa inileki ko la bikiko bin’ekotua l’ekotua, tokendaki la bongeno ko l’ekuku, toyaaki nko bowe ko tokanaki bowe nkoho.

⁴Koko eneki isei ina Yakomba Boiki’oniso la nganji enokamel’ende bato oenyaka,

⁵atiikyaki (efa lacin’ena bikambwa bina mbongi binik’isoamene okambaka, ohonde bosamb’onoyali isei inande), atiikyaki l’esongelo ena mbotwa lakina, ko l’enunwelo lakina enatonunola Bolimo bon’olotsi,

⁶bonoki’nd’otoutsedyaka la mpula nko la Yesu Masiya Boiki’oniso;

⁷lacin’eho is’anayengwa boyengo l’isei inande, toyalame basangoli lacin’ena lolendedyo lona liiko lonelofakale.

⁸Yoi line liyali nko solosolo, ko lalang’oka oongya likikya baoyi’ane locili, lacin’eho iy’animedyaki Yakomba baongya yil’otema en’ekambelo ena bikambwa bin’olotsi. Baoyi’ane band’olotsi, ko bayali la nkita eneyali bato.

⁹Koko fengola biufe binifana ncina ntutuma, ko la biandelo bina biotwelo, ko la lisa, ko la ntango ena likambo lina beeka: baoyi’aho bafana nkita, ko bayali nko bototoloto.

¹⁰Boto onokambwany’ato en’eloi, nk’amolakama belaka befe ko afacikitana, ofengole;

¹¹lacina oey’oka boto’ona bokotu’oho amolunga, ko aokamb’owe, ko ayokoiy’endamene likambo.

¹²Enengi’m’okotomela Alutema yombo Tukiko, meka la locili mene lacina oye eneyal’emi ena Nikopoli, lacin’oka moyalama la lisangya emite nongoyala meho en’esike ena lifia.

¹³Ongya likambya Zena, ntenji ena beeka, ko la Apolo, ena bokit’oniyo, batongoyind’iyema.

¹⁴Koko akoli eneyali bato’aniso banonganya likambeela bina l’ina bikambwa bin’olotsi binakolana yatel’iyo toma tonatiind’iyo, batongoyala nk’eyoka bato banafote bemamo.

¹⁵Iyatu banayali l’emi bakeesa. Oaes’iyatu banatok’iso nganji lacin’en’imeedyo. Isei iyalamake l’inatu.