Read ngando Ba-Ebele 10 Bible Online

Ba-Ebele 10 - ngando bible

Ba-Ebele 10

¹Basangya bayali nko la lilila kei lin’aoyi ban’olotsi banayayi, ef’okotua mene bon’aoyi’oho; ko bafinya yongya la mbongi enakolana iy’anolama meho, la mbeka iho inaleky’iyo mbula la mbula.

²Yombo esokoyala yok’oho, tumbe mbeka iho itasila nde lilekyama? eneki bakumi okulwaka bokulwa bomoko, tumbe bafoke lakina bolito bon’aoyi’owe en’etem’eniyo.

³Ohonde liofwa lin’aoyi’owe liyali ena mbeka iho mbula la mbula.

⁴Lacin’oka bakila bana ngombo ina mpame l’akila bana nta bafumolisa baoyi’owe.

⁵Lacin’eho, enay’ende ena loko, aila, ate, E otalanga mbeka la nganji, Ohonde onkoedyaki yonge;

⁶Otok’ekiko la mbeka ina ntumba ina nyamabotutuma ko la mbeka lacin’ena baoyi’owe.

⁷Nkwaho njilaki, emite, Lenda, loya (En’okand’oho yoi limotengama lacin’enami) Lacin’eho njile eango ene, O Yakomba.

⁸Enil’ende en’oso, ate, E otalanga mbeka la nganji la mbeka ina ntumba ina nyama botutuma ko la mbeka lacin’en’aoyi’owe, ko otok’ekiko l’aoyi’aho (baho baolekyama bosamb’onoyali basangya),

⁹nkwaho aila, ate, Lenda, loya oyila eango ene. Amumola yoi liniki’oso lacin’eho akikya yoi lin’afe.

¹⁰Iso teekyama en’oeka l’eango eho nko la ndekya ena yonge lina Yesu Masiya bolekya bomoko bona locela.

¹¹Ko nkanga la nkanga aemala bina l’ina, ko ayakambe bikambwa bina ekumedyo ko ayalekya belekya bike nko mbeka iho inifinya yumolisa baoyi’owe tu.

¹²Koko ende, eneki’nd’olekyaka mbeka emoko ena locela lacin’en’aoyi’owe, akisak’ase en’ili bona likasa y’ome lina Yakomba;

¹³ko aolengedya yengoko enengi baokyi’owe’anande oilama limbolongo lin’akak’anande.

¹⁴Lacin’oka, la mbeka emoko, amolongya locela la mbongi enakolana iy’anekyama en’oeka.

¹⁵Ko Bolimo bon’olotsi atosumola nkoho, eneki’nd’oilak’oso, ate,

¹⁶Yawe aila, ate, Lisangya liningi’m’oteel’iyo Ena mbusa ena bina beho, liho line: Nongila basangya banami en’etem’eniyo, Ko nongotenga baho nk’ena nkanyi iniyo; nkwaho aila, ate,

¹⁷Mpit’okanedya baoyi’owe’aniyo la bekandoka-ndo beniyo tu.

¹⁸Koko yombo njumola en’aoyi’ane eyali, ndekya ena mbeka lacin’ena baoyi’owe efayali lakina.

¹⁹Bifili, enat’iso njimedya mene lacina totua en’Etenyi en’oeka l’akila bana Yesu,

²⁰nko la mboka eneki’nd’otoongedyaka, mboka ena ntoto eneyike, enetianya esenda ena ndelo, nko yonge linande;

²¹ko enat’iso nkanga ena lokumo mene en’otumba bona Yakomba:

²²toolamake l’etema bena solosolo ko la mpula en’imeedyo, ko la betem’eniso nko mpakisodya lacin’ena lokanyi lon’otema lon’owe, ko yonge liniso nko nkula l’asi bana sengelele.

²³Tundamelake njimedya ena lolendedyo loniso enefalile; lacin’ende onosembyaki esemba ayali nko solosolo.

²⁴Ko tokoli lacina tokanelane, nko lacina tosomyane lacin’eho toke nganji ena lolango ko tokambe bikambwa biney’olotsi;

²⁵totumbelake nsolongana ena besolongano beniso, yoka bosamb’onila bato’amoi, ohonde tokikyane; ko boongya yila yok’oho nko la ndeka lacin’oka bena bin’oho boolama.

²⁶Lacin’oka, enek’is’otambaka njeya ena solosolo eho, yombo til’owe lakina l’eango enisoamene en’otema, efaate lakina mbeka emoi lacin’ena baoyi’owe:

²⁷eciki nko ndengedya ntutuma ena losomo en’etendelo en’akambo, ko la nkele ena nkoi enengehya baokyi’owe.

²⁸Boto onofunzafunzaki beeka bena Mose awaki la beloko bena temoins ife yomb’isaso, efan’oto onookak’isei.

²⁹Iya boto onikamelaki Bon’ona Yakomba l’akaka, ko amotanga bakila ban’eteelo ena lisangya banaki’nd’oekyamaka en’oeka l’aho iyema inifan’oeka, ko amotembola Bolimo bon’isei, bofakanela nd’oka boto’oho angotangama nk’eyoka onokoli la nsisodya eneleki nko ndeka?

³⁰Lacin’iso tomey’endeonilaki, ate, Mbutodya ena nkele eyali nk’ena lifoka linami, ko emi nongolukola boluko. Ko lakina, Yawe angotendela bato’anande bakambo.

³¹Nkwaka en’akasa bana Yakomba eneyike eyali nko yoi lina losomo mene eneyali bato.

³²Koko bokanedyaka bina beneki’oso benek’in’oenaka bino mene nk’eyoka bita mene, ena mbusa en’esike enek’in’ofoladyamaka fololo;

³³lacin’ino bookyamaki nsoi en’oso bon’ato la ntango inay’owe ko la mpomi; ko bambanaki l’iy’anenaki bino bin’okotu’oho.

³⁴Lacin’ino bokaki iy’anatungamaki en’enyolo isei, ko eneki bato okokumolaka toma tonino, bonyangelaki; lacin’inoamene bey’oka boyali l’iyema inileki toho bolotsi ko iyali nko locela.

³⁵Lacin’eho, botokake njimedya enino mboka: eho eyali la mpuci en’oluko bon’okolo.

³⁶Akoli eneyal’ino biitedya nko la locinji, lacin’eho, eneng’in’okadya yila eango ena Yakomba, botambe esemba.

³⁷Lacina isanga nk’ilalela mene, Ko ende onoyayi angoya, ko afalingalingaki.

³⁸Koko boto’onami ona mbongi angika nko l’i-meedyo; Ko yombo ayosume, bolimo’onami bofan’ekike l’ende bolotsi.

³⁹Ohonde iso tofayali en’oloi’oniyo banayosuma ko bayela en’eehedyo: iso toyali en’oloi’oniyo banimedya ko bayela en’ikedyo en’olimo.