Read ngando Ba-Ebele 3 Bible Online

Ba-Ebele 3 - ngando bible

Ba-Ebele 3

¹Lacin’eho, bifili bin’oeka banambana en’elelo ena loola, bokanela Ekima la Nkanga iyome en’imeedyo iniso, nko Yesu.

²Ende akambaki la solosolo eneyal’ende oniilaki ena lifoka, yoka bosamb’onoki Mose okambaka en’otumb’onande bohotu.

³Lacin’ende amotangama nk’eyoka akoli la lokumo loneloleki lolio lona Mose, yoka bosamb’onata bofaki bon’otumba lokumo loneloleki loho lon’otumba mene.

⁴Lacina botumba l’otumba bofakama l’oto; koko ononunolaki toma tohatotu nko Yakomba.

⁵Koko Mose ayaaki boto’ona solosolo en’otumb’onande bohotu yoka bosali, lacin’eho ayalame yoka ndembi en’osimo bon’aoyi banasokotend’ama ena mbusa;

⁶ohonde Masiya nk’eyoka bona ena lifoka lin’otumba bona Yakomba; ko iso toyali botumb’onande, yombo toongya yundamela nkaso eniso ko la lolendedyo lonanyangel’iso la locili yengoko nsimbo.

⁷Lacin’eho, yoka bosamb’onatenda Bolimo bon’olotsi, ate, Bon’in’one yombo bongoka efodya enande,

⁸Botacilingitanyake betem’enino, yok’onok’iy’oi-laka en’etokwelo, Yok’onok’iy’oilaka en’ina bona lomeko ena sengelenge,

⁹Bonoki bafango’anino ommekak’emi la lo-meko, Ko baenaki bikambwa binami mbula ntuk’inei.

¹⁰Lacin’eho, ndemwaki lacin’en’eotwelo ene, Ko njilaki, emite, Iyo bayatembwa en’etem’eniyo bisike l’isike; lyo bateya mboka inami.

¹¹Ko ena nkele enami ntehaki lisangya, emite, Iyo bafatuaki ena lifomya linami.

¹²Bifili, bolendaka, lacina omoi’onino atongoyala la botema bon’owe bonind’imeedyo, onumbela Yakomba eneyike;

¹³ohonde bosomyana inoamene bina l’ina en’esike enetangama Bon’in’one, lacina omoi’onino atongocilingitana en’otema la bokandokando bon’aoyi’owe.

¹⁴Lacin’oka iso tomolambana la Masiya yombo toongya yundamela njimedya eniso ena limatsako yengoko ena nsimbo;

¹⁵yoka bosamb’onila yoi, ate, Bon’in’one yombo bongoka efodya enande, Botacilingitanyake betem’enino yok’onok’iy’oilaka en’etokwelo.

¹⁶Iy’anokaki ko baotungyaki baka nai? Efende nk’iyatu banafolaki ena Ejipeto la Mose?

¹⁷Ko batobanaki’nd’olemwaka mbula ntuk’inei baya? Efende nk’iyo banilaki bowe, ko beduo’eniyo bekwaki ena sengelenge?

¹⁸Ko bato banaki’nd’oteelaka lisangya, ate bafayatua ena lifomya linande, baya? Efende nk’iyo banapokaki lopoko?

¹⁹Ko ten’oka iyo batinyaoyotua lacin’ena biinda bon’imeedyo.