Read ngando Ba-Ebele 5 Bible Online

Ba-Ebele 5 - ngando bible

Ba-Ebele 5

¹Lacina nkanga la nkanga en’iyome onosonama eneyali bato, ailama ena lifoka lacin’en’ato en’aoyi bana Yakomba, lacin’eho alekya nganji ko la mbeka lacin’en’aoyi’owe;

²boto onokolana yokamela iy’aninda njeya ko l’iy’anunga isei, lacin’oka endamene nkoho afinde bolu;

³ko lacin’eho, akoli eneyal’ende alekya mbeka lacin’ena baoyi’owe ban’ato ko la banandamene nkoho.

⁴Ko efan’oto onotamba lifoka liho endamene, yengoko aelelama la Yakomba mbelela, yok’onoki Aluna oelelamaka.

⁵Nk’osamb’oho Masiya atayokumy’endamene lacina ailame nkanga en’iyome: onofaki lifoka liho nk’ende onotendaki l’ende, ate, E oyali Bon’onami, Mokoot’e bon’in’one;

⁶nko bosamb’onil’ende en’ili’omoi, ate, E oyali nkanga ena locela, Yok’onoki lifoka lina Malekisedeke oyalaka.

⁷Ena bina beneki’nd’oyalaka ena yonge, Bon’oho aondaki beondo la lolombo nko la lilelo mene la mposoli eneyal’ende onokolanaki yiikyis’ende en’ewedi, ko Yakomba aolofamelaki lacin’oka aokumyaki nko la mbanga;

⁸kang’ayaaki Bona, alakamaki l’aoyi banaki’nd’oenaka bino lacin’eho aimedya la mpika;

⁹ko eneki’nd okodyamaka nko nkolana, ayalamaki bomene liiko lonelofakale eneyal’iyatu banofik’ende l’imeedyo;

¹⁰atangamaki la Yakomba nkanga en’iyome mene yoka bosamb’onoki lifoka lina Malekisedeke oyalaka.

¹¹Iso toyali l’aoyi bike otenda lacin’enande, ko baho bande locili mene ena nsakitola, lacin’oka ino bomit’atoi.

¹²Elela mene emeta, ko akoli eneyal’ino lacina boyalame balaki; ohonde bofayali baho, bofaonge yengoko boto’omoi akolak’ino baoyi ban’oso bana limatsako lina balako bana Yakomba; ko bomoyalama nk eyoka bato banakolana nko la baele kei, banafakolana la toma tona ndaka tona locili.

¹³Lacina boto l’oto onomela baele atanonganya yoi lina mbongi; lacin’oka ende ayali nko bolenge.

¹⁴Koko toma tona ndaka tona locili toonga l’ato banatunda bingambe, nk’iy’ananonganya l’ekambelo enakamb’iyo lacina bafokole bolotsi ko la bowe.