Read ngando Yakobo 5 Bible Online

Yakobo 5 - ngando bible

Yakobo 5

¹Noka ino batuki bana toma, bolelaka ko bofomaka befwi lacin’ena bino binino biningokokwel’ino.

²Lituka linino limoleha, ko bisenda binino bimolama la towawa.

³Wolo bonino la argent enino bamoleha la mbakwako; ko mbakwako ena baho engoyala yoka boloko bona temoin eneyal’ino, ko engola bonufo’onino nko ndaka yoka nkoi. Bomofudya lituka linino en’ina bene bena nsimbo.

⁴Lenda, mpuci ina basali bananukaki bepunga en’asal’anino, mpuci inik’in’oafimaka la totungya tonino, iho yololua; ko lilelo lina banuki’anino limoyela en’atoi bana Yawe ena Beloi.

⁵Ino bomokenda ena loko l’efulelo ena toma, ko bomolata bikiko binino; bomokinza betem’enino nk’eyoka en’ina bon’eyakelo.

⁶Bomokoiya bato—bomoyaka boto’ona mbongi onotafeka l’ino.

⁷Lacin’eho, bifili, biitedya yengoko eyelo ena Nkolo. Lenda, bomene lisala alengedya bemamo ben’olotsi bena loko, ko akiky’otema la locinji lacin’ena beho, yengoko mbula en’oso la mbula ena mbusa yolwa ena beho.

⁸Ino boyalamaka la locinji nk’osamb’oho; ko bokikyaka betem’enino; lacina eyelo ena Nkolo eolama mbolimboli.

⁹Botaningelaningelake boto l’oto efili enande, bifili, lacina botongokoiyama. Lenda, Ntenji en’akambo aemali en’oso bona nkombo.

¹⁰Bifili, botambaka basumoli, banatenaaki’ale ena lina lina Yawe, yoka ndembi ena njen’ino la mbitedya.

¹¹Lenda, totang’iyo banitedyaki nko bato ban’ekiko; bomoka yoi lina locinji lona Eyobo, ko bomena nsimbo eneki Yawe ofaka, lacin’oka Yawe and’isei mene la nganji.

¹²Koko ena liko lin’aoyi bahatu, bifili binami, botatehake, kanga la loola, kanga la loko, kanga la lisangya limoi lin’etaketaka. Ohonde O enino eyalamake nko O kei, ko Efana enino eyalamake nko Efana kei botongokoiyama likambo.

¹³Omoi’onino aena nd’ino l’efafo? Aondake Yakomba. Omoi anyangela nde? Aembake njembo ina lokumo.

¹⁴Omoi’onino aowa nde nkangi? Aelelake bingambe bin’ekelesia; ko iyo baonde lacin’enande, ko baoky’ende bauta ena lina lina Nkolo;

¹⁵ko boondo bon’imeedyo bongiky’ende onowa nkangi, ko Nkolo angeemadya; ko yombo amokamba baoyi’owe, angotungwa ena baho.

¹⁶Lacin’eho, bosumolana baoyi’o we’anino, ko boondelana Yakomba, lacina bikyame. Boondo bona locili bona boto’ona mbongi boonga nko mbonga en’ekambelo ena boho.

¹⁷Eliya ayaaki nko boto onokaki mposa inayok’iso; ko aondaki nko mbonda mene lacina mbula efalwa; ko mbula etalw’ale ena loko mbula isaso la nsenza botoa.

¹⁸Ko aondaki lakina, ko loola lolweyaki mbula, ko loko lootaki bemamo bena loho.

¹⁹Bifili binami, yombo omoi’onino aunga ena solosolo eho, ko omoi aokengol’ende,

²⁰tumbe aeye yoi line: noka, ende onucisa bokambi bon’owe ena mboka eneki’nd’okungaka, angikya bolimo’omoi en’ewedi, ko angokunda baoyi’owe bik’ike.