Read ngando Enelo 10 Bible Online

Enelo 10 - ngando bible

Enelo 10

¹Ko njenaki ekima emoi ena locili mene, ayakite ena loola, kuma amolotsama lilo; ko ngolo eyaaki ena liko y’ote’onande, ko elongi enande eyaaki yoka bina, ko bakak’anande bayaaki yoka bakonji bana nkoi.

²Ko ayaaki l’okanda bon’osali bonumbwa ena likasa linande; ko aikamelaki lose l’okwa la likaka linande y’ome, ko aikamelaki bokili la likaka linande y’ooli.

³Ko aloluaki la lofoso lona lokolo mene, yoka bosambo bonalungola longuli; ko eneki’nd’ololuaka, bakungola nsambo batendaki.

⁴Ko eneki bakungola nsambo otendaka, emi nsokotenga; ko njokaki lofoso ena loola, liilaki, ate, Monya baoyi banaki bakungola nsambo otendaka: tatengake baho.

⁵Ko ekima eneki’m’oenaka kuma aemali ena lose l’okwa ko l’ena loko, ailedyaki likasa linande en’ili bona loola;

⁶ko atehaki i’ende onoyike bisike la bisike, ononunolaki loola ko la toma tonatoyali meho, ko la loko ko la toma tohatotu tonatoyali meho, ko la lose l’okwa ko la toma tohatotu tonatoyali meho: ate, Bolingolingo bofaataki lakina;

⁷ohonde ena bina bena lofoso lon’ekima ena nsambo, enengi’nd’omatsa lifoma bopate’onande, yoi lin’ofisafisa lina Yakomba lingosila, yok’onoki’nd’osumolaka baombo’anande, nko basumoli, bosimo bon’olotsi.

⁸Ko lofoso loneloki’m’ookak’oso ena loola liit’otenda l’emi lakina, ate, Coaka oyotambe bokanda bon’osali bonumbwa bonoyali ena likasa lin’ekima onemali ena lose l’okwa l’ena loko.

⁹Ko ncoaki eneyali bikima, ko njuufolaki lacina ampe bokanda bon’osali. Ko ansumolaki, ate, Tamba, ko laka boho bohotu; ko boho bongil’otem’one bololo, ohonde en’onyu’one bongoyala yete mene yoka bohe.

¹⁰Ko ntambaki bokanda bon’osali ena likasa lin’ekima, ko ndaki boho bohotu; ko boyaaki en’onyu’onami yete mene yoka bohe, koko eneki’m’okadyaka lila boho, botem’onami boyalamaki nko bololo.

¹¹Ko baonsumola, Mbo e ongotenda lakina baoyi lacin’ena bato bike, ko l’enyanga, ko la mposo, ko la bafoka bana rois.