Read ngando Enelo 12 Bible Online

Enelo 12 - ngando bible

Enelo 12

¹Ko ekambwa ena mpefa mene enyaki ena loola: boyoto onolotsama la bina, ko ngondo eyaaki en’ase’a bakak’anande, ko ayaaki la likuka lina tooto jo la tofe en’ote’onande;

²ayaaki la yemi; ko aelelaki, lacina lonyua loya eneyal’ende, ko atataki l’efafo mene lacina aote bona.

³Ko ekambwa emoi ena mpefa enyaki ena loola; ko lenda, dragon ena nkolo mene ena rouge, eneyaaki la bete nsambo ko la baseki jo, ko diademes nsambo en’ete’enande.

⁴Ko losolongondo lonande losumaki likafo limoko lin’akafo’asaso bana tooto, ko lofusaki toho ena loko; ko dragon aemalaki en’oso bon’oyoto onongota bona isanga, lacina, enengi’nd’oota, ale bon’onande nko ndaka.

⁵Ko aotaki bon’ona mpame, onongoyala ena lifoka eneyali benyanga behetu la botondo bon’efeko; ko bon’onande atambamaki eneyali Yakomba ko l’en’ieko inande.

⁶Ko boyoto alotaki ena sengelenge eneki Yakomba okoedyak’ende esanga ntutuma, lacina baoleya toma meho bekolo nkoto l’ekam’efe la ntuk’otoa.

⁷Ko bita bifolaki ena loola: Mikaele la bikima binande baokanyaki dragon bita; ko dragon la bikima binande bafolaki en’it’iho nkoho;

⁸ohonde batalonga; ko edye eniyo etasungyama lakina ena loola tu.

⁹Ko dragon eho ena nkolo, nko njua en’alale, ende onotangama Diabolo la Satana, onofota baise loko lohalotu, afodyamaki; afusamaki ena loko, ko bikima binande bafusamaki l’ende nkoho.

¹⁰Ko njokaki lofoso lona lokolo ena loola, liilaki, ate, Isanga liiko, la mpamba, la lifoka lina Yakomba eniso bamoya, ko la lifoka lina Masiya enande; lacina bofoci bona bifili biniso onaakolaki la mpoci en’oso bona Yakomba eniso l’ane l’oco amokoiyaina.

¹¹Ko iyo baokoiyaki lacin’ena bakila bana Bon’ona mpate, ko lacin’ena yoi liniyo lina temoin; ko batalanga liiko loniyo yengoko bewedi mene.

¹²Lacin’eho, e loola nyangelaka, ko l’ino banatonga ena loola nkoho. Bino eneyali loko ko l’eneyali lose l’okwa, lacina Diabolo amokita eneyal’ino, ko aoka nkele bike mene, lacin’ende aey’oka eciki eneyal’ende nk’ilalela kei.

¹³Ko eneki dragon oenak’oka amofusama ena loko, anyomaki boyoto’oho onotaki bon’ona mpame.

¹⁴Ko bafafu bafe bana mponongoli ena nkolo mene bafamaki eneyali boyoto’oho, lacina afumbwa ena sengelenge en’edye enande ntutuma enaleyam’ende toma esike la bisike l’etenyi en’esike, lacina alote elongi ena njua eho.

¹⁵Ko njua afodyaki basi en’onyu’onande eneyali boyoto, yoka lose lona lokolo mene, lacin’oka alangaki lacina boyoto atolame la basi’aho.

¹⁶Ohonde loko lokambyaki boyoto: loho lomumolaki bonyu’onande, ko lomelaki lose loneloki dragon ofodyaka en’onyu’onande.

¹⁷Ko dragon aokaki boyoto’oho nkele mene, ko acoaki oyokanya ban’anande banaciki bita, nk’iy’anamonya beeka bena Yakomba, ko banundamela bosimo bona Yesu.