Read ngando Enelo 15 Bible Online

Enelo 15 - ngando bible

Enelo 15

¹Ko njenaki ena loola ekambwa emoi ena nkolo mene l’ena mpefa, nko bikima nsambo banayaaki la njoci nsambo; njoci ine nko njoci ina esimbelo mene, lacin’oka nkele ena Yakomba eosila nko l’iho.

²Ko njenaki nk’eyoka lose lona lokolo lona talatala nsanganya la nkoi; ko iy’analongaki nyama eho ko l’efoya enande, ko la ndembi enande, ko l’otuya bona lina linande baemali ena lose lona talatala, kuma bayasuke bengele bena Yakomba.

³Ko baemba lembo lona Mose, boombo’ona Yakomba, ko la lembo lona Bon’ona mpate, iy’ate, O Yawe Yakomba onise mpamba ehatu, bikambw’ine biseki’okolo ko la mpefa; E Lifoka lina benyanga, bekotua bene beyali bena mbongi l’ena solosolo.

⁴E Yawe, onofakoang’e oka nai? ko onofakumya lina line lokumo mene oka nai? Onoyali on’oeka mene nk’E kei. Benyanga behetu bengoya oyokokumy’E, lacina bikambwa bine bina mbongi bimenya.

⁵Ena mbusa en’aoyi’ane njenaki, ko lenda, ilombe ina Yakomba ina temoin yokombwa ena loola;

⁶ko bikima biho nsambo banayaaki la njoci nsambo bafolaki; balotaki bisenda bina mbenza ena soto l’eneloloma, ko balitamaki la bekoli bena wolo ena ntolo iniyo.

⁷Ko emoi ena nyama ih’inei iniyike afaki bikima biho nsambo bikala bina wolo nsambo binilola la nkele ena Yakomba onoyike bisike la bisike.

⁸Ko ilombe ina Yakomba ilolaki l’olinga lacin’ena bokonde bona Yakomba ko la mpamba enande; ko etaat’oto oninyaki oyotua en’ilombe ina Yakomba, yengoko kuma njoci iho nsambo ina bikima nsambo yokala nko kali.