Read ngando Enelo 8 Bible Online

Enelo 8 - ngando bible

Enelo 8

¹Ko eneki’nd’oakolaka eakelo ena nsambo, loola loyalamaki mwi mene yok’etenyi ena heure.

²Ko njenaki bikima biho nsambo banemala en’oso bona Yakomba; ko bepate nsambo befamaki eneyal’iyo.

³Ko ekima emoi ayaki, ko aemalaki mbolimboli la mesa ena mbeka, ko ayaaki l’ekala ena wolo ena ntumba toumba; ko toumba bike tofamaki eneyal’ende, lacina asanganya toho la beondo bena ban’oeka bahatu ena mesa ena mbeka ena wolo eneyaaki en’oso bon’ieko.

⁴Ko bolinga bona toumba bilelaki en’oso bona Yakomba, boho la beondo bena ban’oeka, nk’ena likasa lina ekima eho.

⁵Ko ekima eho aotamba ekala eho ena ntumba toumba; ko aolody’eho la nkoi iniki’nd’otambaka ena mesa ena mbeka; ko aofusa ekala eho ena loko; ko bakungola, la mposo, la bahalihali, l’elilelo ena loko bailamaki.

⁶Ko bikima biho nsambo banayaaki la bepate nsambo bayokodyak’iyoamene lacina bafome beho.

⁷On’oso afomaki bopate: ko beelenge la nkoi, banasangana l’akila, bafusamaki ena loko; ko likafo limoko lin’akafo’asaso, bana loko litumbamaki, ko likafo limoko lin’akafo’asaso bana bete litumbamaki, ko tolenge tohatotu totumbamaki.

⁸Ko ekima en’ife afomaki bopate, ko iyema yoka lingonji lina likolo mene lineyafete la nkoi ifusamaki ena lose l’okwa. Ko likafo limoko lin’akafo’asaso bana lose l’okwa lihalingwaki bakila;

⁹ko likafo limoko lin’akafo’asaso bana bikambwa biniyali ena lose l’okwa biniyike liwaki; ko likafo limoko lin’akafo’asaso bana basua yehyamaki.

¹⁰Ko ekima en’isaso afomaki bopate, ko ioto in’okolo mene iniyafete yoka bongoni ikwaki ena loola, ko ikwelaki likafo limoko lin’akafo’asaso bana njose, ko l’ena bitoko bin’asi;

¹¹ko lina lin’ioto iho lika Absinthe; ko likafo limoko lin’akafo’asaso bana basi liyalamaki absinthe, ko bato bike bawaki la basi’aho, lacin’oka basi’aho bailamaki nko bololo.

¹²Ko ekima en’inei afomaki bopate, ko likafo limoko lin’akafo’asaso bana bina ko la ngondo ko la tooto lifomwaki; lacin’eho likafo limoko lin’akafo’asaso bana bikambwa biho liyalame fici, ko likafo limoko lin’akafo’asaso bana bina liinde fololo, ko la boco nk’osamb’oho.

¹³Ko njenaki, ko njokaki mponongoli eneyafu mbwa ena ntoto ena loola, eyile la lofoso lona lokolo, ate, Bino, bino, bino eneyal’iy’anatonga ena loko, lacin’ena mposo iniciki isaso ina bepate bena bikima banatafome.