Read njo LIPOK 36 Bible Online

LIPOK 36 - njo bible

LIPOK 36

¹Itemi Esau (aji Edom) dak jakzükbatem lir.

²Esaui Kanantsür nungi pei kibutsü agi. Het nunger Elon jala Ada, Hiv nunger Zibon chir Ana jala Oholibama;

³ Ishmael chir Nebaiot tenu Basemat.

⁴Adai Elifaz sotsü, Basemati Reul sotsü,

⁵aser Oholibamai Yeush, Yalam aser Kora sotsü. Item ajak Esau chirtem Kanan lima nung aso.

⁶Idangji Esaui pa kinungtsütem, pei jabaso jalatem aser par kidang alir nisung ajak den akaba rongsen aser kiset shirurutem koba pai Kanan lima nung benden, item ajakji anir tenu Yakob nungi pila-a alima tanga kati ao.

⁷Kechiaser parnok külemi melitettsüsa parnok rongsen aser kiset shiruru aika asünung parnok amungdak alinük jagi külemi alitsüsa mesemi aküm. Anungji Esaui Seir tenem lima Edom nung ali.

⁸Anungji Esaui tenem lima Edom nung ali.

⁹Item ya Seir tenem nung aliba Edom nunger Esau semchirtem lir.

¹⁰Esau chirtem tenüng itemi: Elifazji Esau tebutsü Ada chir, Reulji Esau tebutsü Basemat chir.

¹¹Elifaz chirtem, Taman, Omar, Zefo, Gatam aser Kenaz.

¹²Esau chir Elifaz ano tezüngatsü ka tenüng agi Timna liasü, lai pa nem Amalek sotsü. Itemji Esau tebutsü Ada nungi jakzükba Esau semchirtem lir.

¹³Reul chirtem: Nahat, Zera, Shama aser Miza. Item Esau tebutsü Basemat nungi jakzükba Esau semchirtem lir.

¹⁴Zibeon chir Ana jala Oholibama, lai Esau nem sottsüba jabasotem: Yeus, Yalam aser Kora.

¹⁵Itemi Esau chirtem nungi jakzükba tazüngpurtem. Esau mezüng chir Elifazji item kintem tebu aküm. Teman, Omar, Zefo, Kenaz,

¹⁶Kora, Gatam aser Amalek. Itemji Edom lima nung Elifaz nungi jakzükba tazüngpurtem shirnok Esau kibutsü Ada nungi jakzük.

¹⁷Esau chir Reul chirtem itemi liasü: Nahat, Zera, Shama aser Miza. Itemji Esau kibutsü Basemat dak jakzükba Edom lima nung tongtipurtem liasü.

¹⁸Esau kibutsü Ana jala Oholibama dak nungi itemi jakzük: Yeus, Yalam aser Kora.

¹⁹Item kin ajakji Esau dak nungi jakzükba tongtipurtem liasü.

²⁰Item ya Hor nunger Seir semchirtem shir linük nungji liasü. Lotan, Shobal, Zibeon, Ana,

²¹Dishon, Ezer aser Dishan. Itemji Hor nunger tongtipurtem Edom lima Seir semchirtem lir.

²²Lotanji Hor aser Heman kin tebu aküm. Lotan tenu tetsür ka tenüng Timna liasü.

²³Item ya Shobal chirtem, Alvan, Manahat, Ebal, Shefo aser Onam.

²⁴Item ya Zibeon chirtem, Aia aser Ana. Iba Ana jagi tebu gado chimdaktsü dak arem nung tzü talem apokdak angu.

²⁵Item ya Ana chirtem: Dishon aser Ana jala Oholibama.

²⁶Itemi Dishon chirtem: Hemdan, Eshban, Ithran aser Keran.

²⁷Item ya Ezer chirtem: Bilhan, Zavan aser Akan,

²⁸Item ya Dishan chirtem: Uz aser Aran.

²⁹Item ya Hor nunger tazüngpurtem: Lotan, Shobal, Zibeon, Ana,

³⁰Dishon, Ezer aser Dishan. Itemji Seir nung aliba Hor kintem, kidongtem tatongi shia tazüngpurtem liasü.

³¹Israel madak shinga chuba malidang, Edom lima nung item chubatem yagi yimsü asü.

³²Beor chir Bela Edom nung chuba aküm. Pa yimti tenüng Dinhaba liasü.

³³Kodang Bela asü, Bozra nunger Zera chir Yobabi pa melen chuba.

³⁴Yobab sür külen Teman nunger lima nungi Hushami pa melena chuba.

³⁵Kodang Husham asü, Bedad chir Hadad shibai Moab lima nung Midian nunger akok, pai chuba. Pa yimti tenüng Avit liasü.

³⁶Kodang Hadad asü, Masreka nunger Samlai pa melena chuba.

³⁷Kodang Samla asü, Eufrata ayong anasa Rehobot nunger Shauli pa melena chuba,

³⁸Kodang Shaul asü, Akbor chir Baalhanani pa melena chuba.

³⁹Kodang Akbor chir Baalhanan asü, Hadadi pa melena chuba. Pa yimti tenüng Pau aser pa kibutsü tenüng Mehetabel, Matred jala shiba Me-zahab jala liasü.

⁴⁰Itemi Esau nungi jakzükba tazüngpurtem parnok kidong aser talidak shia tenüng yamai: Timna, Alva, Yethet,

⁴¹Oholibama, Ela, Pinon,

⁴²Kenaz, Teman, Mibzar,

⁴³Magiel aser Iram. Item parnok alidak shia parnok akaba alima nung Edom tazüngpurtem. Ya Esau Edom nunger tebu.