Read njo LIPOK 5 Bible Online

LIPOK 5 - njo bible

LIPOK 5

¹Adam Putu kaket ya: Tsüngremi nisung yanglu. Pai pa mesükba nung parnok yanglu.

² Pai parnok tebur aser tetsür yanglu aser parnok moatsü aser parnok dang “Nisung” ta aja.

³Kodang Adam küm noklang ka ser semer liasü, pa ama pa mesükba jabaso ka aso; pa tenüng Set aja.

⁴Set sor külen Adam arishi küm noklang ti liasü, aser jabaso jalatem jakzük

⁵Adam arishi küm noklang tuku ser semer liasü aser pa asü.

⁶Set arishi küm noklang ka ser pungu lir pa nungi Enos jakzük.

⁷Enos sor Set küm noklang ti ser tenet liasü, aser pa dak nungi jabaso jalatem jakzük.

⁸Set arishi küm noklang tuku ser terana lir asü.

⁹Enos küm tukur lir pa nungi Kenan jakzük,

¹⁰Kenan sor küm noklang ti ser terpungu ali, aser pa dak jala jabasotem jakzük.

¹¹Enos arishi küm noklang tuku ser pungu nung asü.

¹²Kenan küm neter lir pa nungi Mahalalel jakzük,

¹³iba sülen pa küm noklang ti ser lir ali; aser pa dak nungi jala jabasotem jakzük.

¹⁴Kenan arishi noklang tuku ser ter lir asü.

¹⁵Mahalalel küm roker pungu lir pa nungi Yared jakzük.

¹⁶Yared sor Mahalalel küm noklang ti ser semer ali, aser pa nungi jabaso aser jala jakzük.

¹⁷Mahalalel arishi küm noklang ti ser tukur pungu lir asü.

¹⁸Yared sor küm noklang ka ser roker ana lir pa nungi Enok jakzük,

¹⁹Enok sor Yared küm noklang ti ali, aser jabaso jalatem jakzük.

²⁰Yared arishi küm noklang tuku ser roker ana ali aser pa asü.

²¹Enok küm roker pungu lir pa nungi Methusela jakzük,

²²iba sülen Enok küm noklang asem ali, aser pai Tsüngrem den jaja aser jala jabasotem jakzük.

²³Enok arishi küm noklang asem ser roker pungu liasü.

²⁴ Enoki arishi tepiyong Tsüngrem den jaja aser pa mungui aküm, kechiaser Tsüngremi pa bener ao.

²⁵Methusela küm noklang ka ser tir tenet lir pa nungi Lamek jakzük.

²⁶Lamek sor Methusela küm noklang tenet ser tir ana ali, aser jala jabasotem jakzük.

²⁷Methusela arishi küm noklang tuku ser roker tuku lir asü.

²⁸Lamek küm noklang ka ser tir ana lir jabaso ka jakzük,

²⁹aser pai pa tenüng Noa ta ja-a ashi, “KIBUBAi atakatemba li nung asen teka mapa belemseta inyakba aser asen mapa meranga inyakba nungi iba tanuri asenok süneptsütsü.”

³⁰Iba sülen Lamek küm noklang pungu ser tukur pungu ali, aser jala jabasotem jakzük.

³¹Lamek arishi küm noklang tenet ser neter tenet liasü aser pa asü.

³²Noa küm noklang pungu lir jabaso asem: Sem, Ham aser Yafet jakzük.