Read njo 1 PUTIPUYANG 11 Bible Online

1 PUTIPUYANG 11 - njo bible

1 PUTIPUYANG 11

¹Idangji Israel ajak Hebron nung Dawid dangi adenshia ashi, “Atangji onok ne zü aser ne shi.

²Taoba mapang nung, oda Saul chuba alidanga, Israel anir aosang aser anir arusangji na liasü; aser KIBUBA ne Tsüngremi ne dang ashi, ‘Na kü nübur Israel sannüker asütsü, aser kü nübur Israel madak na chuba asütsü.’ ”

³Anungji Israel tambur ajak Hebron nung chuba dangi aru; aser Dawidi parnok den Hebron nung KIBUBA madang tezüngzüktepba yanglu, aser Samuel ajanga KIBUBA O amato parnoki Israel madak chuba asütsü Dawid dak totzü mezütsü.

⁴ Dawid aser Israel ajak Yirusalem, aji Yebus, kong Yebus nunger ali, iba lima jagi ao.

⁵Aser Yebus nung alirtemi Dawid dang ashi, “Na yagi maittsü.” Aji saka Dawidi Zion mitsa, aji Dawid yimti agi.

⁶Dawidi ashi, “Shibaisa Yebus nunger tamasa makdokdir pa tongtiba aser walunir asütsü.” Idangji Zeruia chir Yoab tamasa atu, anungji pa tongtiba aküm.

⁷Dawid mitsa nung ali; anungji iba dang Dawid yimti ta aja.

⁸Aser Millo nungi meketa jungjunga lungjema pai yimtiji yanglu; aser Yoabi tanüngba yimtiji yanglushi.

⁹Dawid tamarenba tamarenba aküm, kechiyong temeranger KIBUBA pa den liasü.

¹⁰Tang Dawider tashi tait nisung tongtipur item lir, parnoki pa nem Israel ajak den külemi, Israel indang KIBUBA O amato, pa chuba kümdaktsütsü teyari tulu pa nem agütsü.

¹¹Ibai chuba temeranger yongsük lir: Hakmon nunger Yashobeam, asem rongnungji tongtiba; pai pei nü mekang aser mapang ka nung pai noklang asem tepset.

¹²Tashi tulu nisung asem rongnung pa den atongba Aho nunger Dodo chir Eleazar liasü.

¹³Pas-dammin nung pa Dawid den Filistia nunger yangji tongbang adenshia alidang yangji ali tila ka barley tsük agi sünga liasü, aser nisungtemi Filistia nunger nungi ajen.

¹⁴Saka pai alu tiyong nungji noktak, aser aji noktang, aser Filistia nunger tepset; aser KIBUBAi takok tulu agi parnok kümzük.

¹⁵Kodang Filistia nunger temeranger telok Refaim nung anena liasü, tanishir nisung semer rongnungi nisung asem Adullam lungpok nung Dawid dangi lung jagi alu.

¹⁶Idangji Dawid mitsa nung ali; aser idangji Filistia nunger telokji Bethlehem nung liasü.

¹⁷Dawidi menungra-a ashi, “Süngkhüm anasa aliba Bethlehem tzübu nungi kü nem tajemtsü tzü kari agütsülasang!”

¹⁸Idangji item tashi tait nisung asemi Filistia nunger tanendak nungpoka ai, aser süngkhüm anasa aliba Bethlehem tzübu nungi tzü tatet, aser aji Dawid dangi bener aru. Saka Dawidi aji majem; pai aji KIBUBA nem shiloktsü,

¹⁹aser ashi, “Kü Tsüngrem madang ni ya inyaktsübo maremtetka. Item nisung takümtzü ni ajemtsüa ma?” Kechiyong parnok taküm bendanga agüja aji bena aru.

²⁰Tang Abishai, Yoab tenu asem rongnungji tongtiba liasü. Aser pai noklang asem anema pei nü mekang aser parnok tepset, aser asem amaji khonang bena aru.

²¹Semer rongnungji pa nüngtugutiba liasü, aser parnok walunir aküm; saka pai asemjibo matong.

²²Yehoiada chir Benaiaji Kabzeel nung tasü tait nisung mapa tulu inyaker ka liasü; Moab nung pai Ariel chir ana tepset. Ano pai rürjeb la-a alidang kangla nung molusongzü ka tepset.

²³Pai Ijip nunger aso tulu, süklep pungu talang nisung ka tepset. Ijip nungbaji pa ket nung nü ka sütaker alem amai ka liasü; saka Benaia pa dangi mechi ka bener alu, aser Ijip nungba ket nungi nüji ajepzükadok, aser pa nü agi pa tsüngset.

²⁴Item mapai Yehoiada chir Benaiai inyak, aser tashi tulu asem amaji khonang bena aru.

²⁵Pa semer rongnungji nüngtugutiba liasü, saka pai asemjibo matong. Aser Dawidi tanüker madak pa yutsü.

²⁶Temeranger teloktem nung tashi tulu nisungtemji Yoab adianu Asahel, Bethlehem nungi Dodo chir Elhanan.

²⁷Haror nunger Shammort, Pelon nunger Helez,

²⁸Tekoa nungi Ikkes chir Ira, Anathot nunger Abiezer,

²⁹Hushat nunger Shibbekai; Aho nunger Ilai,

³⁰Netofat nunger Maharai, Netofaha nunger Baanha chir Heled,

³¹Benjamin nunger, Gibea nungi Ribai chir Ithai, Pirathon nungi Benaia,

³²Gaash nung ayongtem nungi Hurai, Arbat nunger Abiel,

³³Baharum nunger Azmavet, Shaalbon nunger Eliahba,

³⁴Gizon nunger Hashem, Harar nunger Saker chir Yonathan,

³⁵Harar nunger Sakar chir Abhim, Ur chir Elifal.

³⁶Mekarat nunger Hefer, Pelon nunger Ahija,

³⁷Karmel nunger Hezro, Ezbai chir Naarai,

³⁸Nathan adianu Yoel, Hageri chir Mibhar,

³⁹Ammon nunger Zelek, Berot nunger Naharai, Zeruia chir Yoab nok-nü abensang,

⁴⁰Ith nunger Ira, Ith nunger Gareb,

⁴¹Het nunger Uria, Ahlai chir Zabad,

⁴²Reuben nunger Shiza chir Adina, Reuben nunger tanishir ka, aser pa den semer,

⁴³Maaka chir Hana, aser Mithni nunger Yoshafat,

⁴⁴Ashterat nunger Uzzia, Aroer nunger Hotham chir Shama aser Yehiel,

⁴⁵Shimri chir Yediael, aser pa adianu Yoha, Tiz nunger,

⁴⁶Mahavi nunger Eliel, Yeribai, aser Yoshavia, Elnaam chirtem, aser Moab nunger Ithma,

⁴⁷Eliel, Obed aser Mesoba nunger Yashiel.