Read njo 1 PUTIPUYANG 14 Bible Online

1 PUTIPUYANG 14 - njo bible

1 PUTIPUYANG 14

¹Tair chuba Hirami Dawid dangi osang abenertem, aser pa asoshi ki yanglutsü asoshi cedar süng, lung aser süng mistritem yok.

²Dawidi Israel madak pa chuba asütsü KIBUBAi yanglu, aser pa yimli pei nübur Israel atema merena ajongket ta temulung nung meteta liasü.

³Yirusalem nung Dawidi kinungtsü tali agi, aser Dawid nungi jabaso aser jala tali jakzük.

⁴Yirusalem nung aliba pa chirtem tenüng ya lir; Shammua, Shobab, Nathan, Solomon,

⁵Ibhar, Elishua, aser Elpalet.

⁶Noga, Nefeg, Yafia,

⁷Elishama, Beeliada, aser Elifelet.

⁸Kodang Filistia nungeri Israel ajak madak Dawid chuba shimtet ta angashi, Filistia nunger ajak Dawid bushia aru; aser Dawidi aji angashi aser parnok anema ao.

⁹Tang Filistia nunger arua Refaim lenten amak.

¹⁰Aser Dawidi Tsüngrem dang asüngdang, “Ni Filistia nunger anema tudi ni? Parnok nai kü ket nung agütsüdi ma?” KIBUBAi pa dang ashi, “Tuang, ni parnok ne ket nung agütsütsü.”

¹¹Pa Baal Perazimi atu, aser Dawidi parnok yangji akok; aser Dawidi ashi, “Tzümetsüngi nungbang ama kü ket agi Tsüngremi kü tsükchirtem nungpoktsüogo” Anungji iba linük tenüng Baal Perazim ajar.

¹²Aser parnoki yangji par tsüngremtemji toktsü, aser Dawidi ozüng agütsü, aser itemji arong.

¹³Ano Filistia nungeri tanaben lenten nungji amak.

¹⁴Kodang Dawidi Tsüngrem dang tanaben asüngdang, Tsüngremi pa dang ashi, “Nai parnok sülen matutsü; meketa tuang; aser balsam süngdongtem tejakleni parnok madangi arung.

¹⁵Kodang nai temeranger jajaba ola balsam süngdong kolak nung angashidir, idangji tongbangi oang; kechiyong Tsüngrem nenok jakdang Filistia temeranger telok tepsettsü oa lir.”

¹⁶Tsüngremi pa dang melaba ama Dawidi inyak, aser parnoki Filistia nunger temeranger telokji Gibeon nungi Gezer tashi alep.

¹⁷Yamaji Dawid nüngsang ayimsünga ao, aser KIBUBAi kin ajak nem pa tsüngken tsübudaktsü.