Read njo 1 PUTIPUYANG 26 Bible Online

1 PUTIPUYANG 26 - njo bible

1 PUTIPUYANG 26

¹Süngkhüm anükertem telemsa yamai: Kora nunger nungi, Asaf jabasotem nungi Kore jabaso Meshelemia.

²Aser Meshelemia jabasotem liasü; mezüng asoba Zekaria, tanabubaji Yediael, tasembuba Zebadia, pezübuba Yathniel;

³pungububa Elam, trokbuba Yehohanan, tenetbuba Elieoenai.

⁴ Obed-edom jabasotem liasü: mezüng asoba Shemaia, tanabuba Yehozabad, tasembuba Yoa, pezübuba Sakar, pungububa Nathanel;

⁵trokbuba Ammiel, tenetbuba Issakar, tibuba Peullethai, kechiyong Tsüngremi pa moatsü.

⁶Ano par jabaso Shemaia jabasotem soa liasü shirnok tebu kidong nung yimsüsürtem liasü, kechiaser parnok dak takokba sempet tulu liasü.

⁷Shemaia jabasotem: Othni, Refael, Obed, aser Elzabad, shirnok adianutem takokba nisung liasü, Elihu aser Semakia.

⁸Item ajak Obed-edom jabasotem; parnok jabasotem aser adianutem mapa asoshi tajet; Obed-edom nungi roker ana.

⁹Meshelemia jabasotem aser adianutem liasü, takutet nisung, terti.

¹⁰Merari jabasotem nungi, Hosa jabasotem liasü: tongtiba Shimri. “Kechiyong pa mezüng asoba mesüaka tebui pa tongti kümdaktsü;”

¹¹tanabuba Hilkia, tasembuba Tebalia, pezübuba Zekaria; Hasa jabaso aser adianu ajak agi terasem.

¹²Itemi süngkhüm anükertem telemsa, aser parnok tongti nisungtem teinyaktsü mapatem, oda par adianutemi inyakba ama, KIBUBA kidang tenzüka liasü.

¹³Parnoki tebou semchir agi, tila aser tulu kasasa, süngkhüm shia asoshi an toktang,

¹⁴anüdoklen asoshi an toktangba Shelemia dak kao. Parnoki ano par jabaso Zekaria, waindanger shisa tajung agütsür ka asoshi an toktang, aser pa noklem anüdoklentip asoshi adok.

¹⁵Anüolentip asoshi Obed-edom adok, aser par jabasotem nem terizüngdak ki lemzüktsü.

¹⁶Shuppim aser Hosa asoshi anüolen asoshi adok, Shaleket süngkhüm nung lenmang atulen tanükeri tanüker den tongtepa liasü.

¹⁷Anüdoklen anogo shia trok, anüdoklentip nung anogo shia pezü, aser terizüngdak ki nunga anana liasü.

¹⁸Anüolen Parbar asoshi lenmang nung pezü aser, Parbar nung ana.

¹⁹Itemi Kora nunger aser Merari jabaso rongnung süngkhüm anükertem telemsa liasü.

²⁰Levi nunger nungi, Ahijai Tsüngrem kidang terizüngdak aser bendanga agütsüba sempettem madak ketdang liasü.

²¹Ladan jabasotem, Gershon nunger, Ladan tebou semchirtem Yehieli.

²²Yehieli jabasotem: Zetham aser tenu Yoel, KIBUBA kidang terizüngdak ketdang liasü.

²³Amram nunger, Izhar nunger, Hebron nunger, aser Uzziel nunger,

²⁴aser Mosa jabaso Gershom chir Shebuel, terizüngdak ketdangpur tongtiba liasü.

²⁵Pa adianutem: Eliezer nungi par jabaso Rehabia, par chir Yeshaia, par chir Yoram, par chir Zikri, aser par chir Shelomot.

²⁶Iba Shelomot aser pa adianutemji bendanga agütsüba sempettem koba Dawid chubai, aser tebou semchirtemi, aser meyirijang aser noklang madak tanishirtemi, aser temeranger telok tanishirtemi, bendanga agütsüba terizüngdak ajak madak ketdangsüa liasü.

²⁷Tongbang nung makzükba nungi parnoki KIBUBA ki tenüngdaktsü asoshi bendanga agütsü.

²⁸Ano tangur Samuel, Kis jabaso Saul, Ner jabaso Abner, aser Zeruia jabaso Yoab parnok bendanga agütsüba sempet ajak Shelomot aser par adianutemi reprang.

²⁹Izhar nunger nungi, Kenania aser par jabasotemi Israel tanga mapa asoshi tanishirtem aser o bendangertem shimtet.

³⁰Hebron nunger nungi, Hashabia aser pa adianutem meyi ka sür noklang tenet tajet nisungtemi Yordan anüolen tsütsü KIBUBA mapa ajak asoshi aser chuba mapa tenzüktsü asoshi Israel reprangtsüba liasü.

³¹Hebron nunger nungi Yerijaji Hebron nunger tebou semchir kidongren nung tongtiba liasü. Dawid chubaba küm lirbuba nung bushitep nung parnok rongnung tashi tulu takokba nisungtem Gilead nung Yazer nung angu.

³²Aser par adianutem, tashi tulu nisungtem, meyi ana noklang tenet, tebou semchir tongtipurji Dawidi parnok Reuben nunger aser Gad nunger, aser Manase kidong tesadang madak, Tsüngrem asoshi kechiasarena indang aser chubar mapa asoshi kibur kümdaktsü.