Read njo 1 PUTIPUYANG 5 Bible Online

1 PUTIPUYANG 5 - njo bible

1 PUTIPUYANG 5

¹ Israel tambusang Reuben chirtem kechiyong pa tambu liasü; saka pai tebu yipten menentsü nung, pa tambu shilem, Israel chir Yosef chirtem nem agütsü, anungji pa kidong otsü nung mezülu.

² Yihuda pa adianu rongnung tashi ita kümaka aser pa nungi yimsüsürji adokaka, tambu shilembo Yosef meyong aküm.

³Israel tambusang Reuben chirtem: Hanok, Pally, Hezron, aser Karmi,

⁴Yoel chirtem: par chir Shemaia, par chir Gog, par chir Shimei,

⁵par chir Mika, par chir Reaia, par chir Baal;

⁶ par chir Bera, shiba Asiria chuba Tigath-pileseri pur oadok; Reuben nunger rongnung pa tanishir liasü.

⁷Aser par adianutem parnok kinunger, parnok pututem kidong otsü sükdangtepba tongtibaji Yeiel, aser Zekaria,

⁸aser Azaz chir Bela, Shema chir, Yoel chir, shiba Aroer nung Nebo aser Baalmeon tonga oa ali.

⁹Ano pa anüdoklen tsütsü Eufrata ayong nungi arem leni ailen tashi ali, kechiaser parnok kiset shiruru telok Gilead lima nung renloka aküm,

¹⁰aser Saul tendak parnoki Hagar nunger den rara, shirnok parnok ket nung tsük; aser Gilead anüdoklen ajak parnok süki nung parnok ali.

¹¹Gad chirtem parnok jakdang Bashan lima nung Salka tashi oa ali.

¹²Tongtiba Yoel, tanabuba Shafam, Yanai, aser Bashan nung Shafat.

¹³Parnok tebu nunger nungi jakzükbatem: Maikel, Meshullam, Sheba, Yorai, Yakan, Zia, aser Eber, par tenet.

¹⁴Itemi Huri chir Abihail chirtem liasü, Yaroa chir Gilead chir, Maikel chir, Yeshishai chir, Yado chir, Buz chir;

¹⁵Abdiel chir Ahi, Guni chir, parnok tebu nungi jakzükba tongtiba.

¹⁶Parnok Bashan nung Gilead nung, aser iba yimtitem nung, aser Sharon chiyimdak linük ajak nung parnok litsü tashi ali.

¹⁷Yihuda chuba Yotham tendak Israel chuba Yeroboam tendak item ajak kidong otsü zülua ayu.

¹⁸Reuben, Gad aser Manase kidong tesadang, tasü tait nisungtem, jong aser nok abentsü akokba nisungtem, aser lijak agi akatsü akokba, aser rara nung mongyin, parnok meyi lirpezü, noklang tenet ser roker, rarai aotsü akokertem liasü.

¹⁹Parnoki Hagar, Yetur, Nafis aser Nodab nunger anema rara.

²⁰Kodang parnok anema parnoki teyari angu, Hagar nunger aser idakji alir ajak parnok ket nung agütsü; kechiyong tongbang nung parnoki Tsüngrem dang ayimten, aser parnoki mepishiba pai agütsü, kechiaser parnoki pa dak temulung alem.

²¹Parnok kiset shiruru parnoki bener ao; parnok ut meyi tenem, san meyi noklang ana ser tenem, gado meyi ana, aser nisung taküm meyi noklang ka.

²²Kechiyong aika laoa tepset, kechiaser raraji Tsüngrem nungi liasü. Aser parnok pur mao tashi parnok idakji ali.

²³Manase kidong tesadang nüburji alinük nungji ali; parnok Bashan nungi Baal-hermon, Senir, aser Hermon tenem tashi züin.

²⁴Itemji parnok tebu nunger nungi jakzükba tongtipurtem liasü; Efer, Ishi, Eliel, Azriel, Yerimia, Hodavia, aser Yahdiel, tashi tulu temeranger, nüngtugu nisung, tebu nunger nungi jakzükba tongtipurtem liasü.

²⁵Saka parnoki tebu nunger Tsüngrem anema ozüng raksa, aser Tsüngremi parnok jakdang samatsüba linük nung alir tsüngremtem sülen jabujaria oadok.

²⁶ Anungji Israel Tsüngremi Asiria chuba Pul pa shisatsü ajongmeso, aser pai Reuben, Gad, Manase kidong tesadang tepuokdaki bener ao. Pai parnokji Hala, Habar, Hara aser Gozan ayongi anir arua tanü tashi alir.