Read njo 2 PUTIPUYANG 27 Bible Online

2 PUTIPUYANG 27 - njo bible

2 PUTIPUYANG 27

¹Yotham chubatsü tenzükdang küm metsür pungu liasü; aser pai Yirusalem nung küm tertrok chuba; aser tetsü tenüng Zadok jala Yerusha liasü.

²Tebu Uzziai inyakba ajak ama pai KIBUBA nükdang kechi tajung aji inyak; aji saka pa KIBUBA tenla kidangi mai. Nisungtemi ano temenen mapatem maneni inyak.

³Pai KIBUBA ki temaba süngkhümji yanglu aser Ofel jara manung pai tulu ka yanglulok.

⁴Ano pai Yihuda tenem lima nung yimtitem yanglu aser arem nung pai mitsatem aser lungkitem yanglu.

⁵Pai ano Ammon nunger den rara aser parnok akok. Aser Ammon nungeri pakümjisa pa nem taribi seret semermer ozükba noklang ka, aser wheat tzük tatak meyi noklang ka, aser barley tsük meyi ter agütsü. Kümnabuba aser kümsembuba nunga Ammon nungeri pa nem jenti agütsü.

⁶Anungji Yotham tashi tulu aküm, kechiaser pai pei lenmang KIBUBA pa Tsüngrem madang ayu.

⁷Tang tanüngba Yotham mapa aser pa raraba ajak, aser pa lenmangtem, ajiang, itemji Yihuda aser Israel chubatem kaket nung zülua lir.

⁸Pa chubatsü tenzükdang pa küm metsür pungu liasü, aser Yirusalem nung küm tertrok tashi chuba.

⁹Aser Yotham tebu nunger den mejang, aser parnoki Dawid yimti nung pa arem; aser par chir Ahazi pa melena chuba aküm.