Read njo 2 PUTIPUYANG 3 Bible Online

2 PUTIPUYANG 3 - njo bible

2 PUTIPUYANG 3

¹ Idangji Dawidi shimtetdak, Yebus nunger Ornam motsüngnem nung tebu Dawid dangi KIBUBA adokdak, Moria tenem Yirusalem nung Solomoni KIBUBA ki yanglutsü tenzük.

²Pa chubaba küm pezübuba ita tanabuba anogo anabuba nung pai yanglutsü tenzük.

³Tsüngrem ki yanglutsü asoshi itemi Solomon asameyang lir; metong, akhidang tasazük süklep agi, süklep roker, aser lenten süklep metsü.

⁴Aser ki tejaklen kilempokji metong nung ki lenten den süklep metsü; aser iba touchiji süklep noklang ka ser metsü. Telunglenji pai hon temeja agi yangloka yanglu.

⁵Aser ki tulubaji pai fir süng agi taren küma yanglu, koba pai hon temeja agi yangloka yanglu, aser iba manung asangdong aser merangsen yanglu.

⁶Tobur ajungtsü asoshi pai kiji senti lung agi azüdaktsü; aser honji Parvaim hon liasü,

⁷Pai ano kiji, sanen, tzüin, iba jaratem, aser iba kishitem, hon agi yangloka yanglu, aser jaratem manung cherubim yanglu.

⁸ Aser pai temeshitiba ki yanglu; aser iba metongji ki lenten den sütepa, süklep metsü, aser lentenji süklep metsü yanglu; aser pai aji hon angdong seret semerer ozükba noklang trok tashi agi yangloka yanglu.

⁹Aser kojal touzükbaji hon shekel tenem liasü. Aser pai taktang temabaji hon yangloka yanglu.

¹⁰ Temeshitiba ki nungji pai cherubim noksa ana yanglu; aser pai itemji hon yangloka yanglu.

¹¹Aser cherubim tashikangtemji süklep metsü talang liasü; cherub ka tashikangji süklep pungu, ki jara tonga liasü; aser tashikang kajia yamaji süklep pungu; cherub ka tashikangji tonga liasü.

¹²Aser cherub ka tashikangji süklep pungu, ki jaraji tonga; aser ano tanga tashikangjia süklep pungu cherub tashikang denji kongshitepa liasü.

¹³ Item cherubim tashikangtemji parnok sasa süklep metsü sarar liasü; aser parnoki pei tetsüng agi noktak, aser parnok tejak ki tsütsü shia liasü.

¹⁴ Aser pai teyindangba süji anüng sentsü, nakrema meremba aser azü sentsü, aser kümpa angsem agi yanglu, aser iba manungji cherubim yanglu.

¹⁵Ano pai ki jakdangji tongshi ana süklep semer pungu touchi yanglu, aser temalen tamenok dak yokbaji ka ka shia nung süklep pungu.

¹⁶Aser tongshibang nungi pai merangsen azük ama enloktsü; aser pai jarem naro noklang ka yanglu, aser itemji merangsen nungji ketdaktsü.

¹⁷Aser pai tongshiji tenla ki jakdang ayu, ka tajichilen, aser ka tabelenlen; aser tajichilen aliba dangji tenüng Yakin, aser tabelen aliba tenüngji Boaz aja.