Read njo EZRA 1 Bible Online

EZRA 1 - njo bible

EZRA 1

¹ Persia chuba Cyrus chubaba mezüng küm nung, KIBUBA O Yerimia ajanga jembiba atalokdaktsütsü asoshi, KIBUBAi Persia chuba Cyrus mulung ajongmesodaktsü. Anungji pai pa yimli ajaklen osangtajung ka sangdongdaktsü aser aji tezüluba nung yamai zülu:

² “Persia chubai yamai ashir; KIBUBA anüng Tsüngremi kü nem alima chuba yimli ajak agüja lir, aser pai Yihuda nung aliba Yirusalem nung pa nem ki ka yanglutsü kü dang melaogo.

³Nenok rongnung shibasa pa nübur lir, pa Tsüngrem pa den denang, aser pa Yihuda nung aliba Yirusalemi tuang, aser KIBUBA, Israel Tsüngrem ki yanglushidakjang. Yirusalem nung aliba Tsüngremji pa lir.

⁴Aser shibasa kechi nungsa anüngzüka ali, Yirusalem nung Tsüngrem ki asoshi oda temulunger tenla dak alaka, pei alidak alir nisungtemi taribi, hon oset aser shiruru agi yaritepang.”

⁵Idangji Yihuda aser Benjamin kidong tamburtem, putirtem aser Levitemi, oda shirsa Yirusalem nung aliba KIBUBA ki yanglutsü atutsü Tsüngremi ajungshia liasü, parnok arameso.

⁶Aser parnok anasa shirnoksa liasü, oda mulungso tenlaba dak alaka ano parnoki taribi, hon, shiruru, aser senti oset agi parnoki yari.

⁷Aser ano KIBUBA kidang chipo anpotem koba Nebukadnezzari Yirusalem nungi bener oadok, aser par tsüngrem kidang yua liasü, itemji Cyrus chubai agitet;

⁸itemji Persia chuba Cyrusi senyur Mithredat ket agi bener adok aser itemji Yihuda tongtipur Sheshbazzar nem züngzüka agütsü.

⁹Aser item züngdangbaji ya: hon su semer, taribi su meyi ka, kotari metsürtuku;

¹⁰hon susa semer, taribi susa noklang pezü ser ter, aser tanga marok enrok meyi ka.

¹¹Hon aser taribi marokenrok ajak agi meyi pungu ser noklang pezü. Item ajakji Sheshbazzar aser tepuokertem Babilon nungi Yirusalemi arudang bener adok.