Read njo EZRA 10 Bible Online

EZRA 10 - njo bible

EZRA 10

¹Kodang Ezrai sarasadema aser tai nangzüka, jeba aser mechioker Tsüngrem ki madang liasü, pa dangi Israel nungi tebur, tetsür aser tanurtem telok tulu ka külemi sentep; kechiyong nisungtemi kanga ajeb.

²Yehiel chir Shekania, Elam chir rongnung kati, Ezra dang ashi, “Asen Tsüngrem anema onoki tai menaogo, aser linük alir bendangtsür agiogo; aji oda süaka iba indang tanga Israel asoshi teimla lir.

³Tang aji asünung kinungtsür ajak aser parnok nungi asoba ajak yokadoktsü, kü kiburi aser asen Tsüngrem temelaba ozüng nung atentenertemi shisa agütsüba ama, asen Tsüngrem den asenoki tezüngzüktepba ka yangludi; aser ajiang ozüng amato inyakdakjang.

⁴Shishiang; kechiyong ya ne mapa lir aser onok ne den lir; tashi itang aser inyakang.”

⁵Idangji Ezra arameso, aser putir tongtipur, Levitem aser Israel ajak nem iba sentong amaji parnoki inyaktsü azüngashidaktsü. Anungji parnoki azüngashi.

⁶Idangji Tsüngrem ki madang nungi Ezra shishi, aser Eliashib chir Yehohanan taktangi ai, aser kodang pa ajagi aru, pai chi mechiyung, mesüra tzüa majem; kechiyong tepuokertem tai asoshi pai mang ayim.

⁷Aser parnok Yirusalemi parnok sasa atenshitsüla ta Yihuda aser Yirusalem ajak nung tepuokdak nungi shilanger ajak dangi o sangdong;

⁸aser asemnü tsüngda nung shibaisa marulir, tongtipur aser tamburtem o amato, pa akaba ajak agiadoktsü, aser pa tepuokertem telok sentepba nungi pilatsüla.

⁹Idangji Yihuda aser Benjamin nisung ajak asemnü tsüngda nung Yirusalem nung atenshi; aji ita tukububa liasü, ita anogo metsübuba nung, aser nisung ajak Tsüngrem ki madang moa nung amen, aser iba mapa asoshi aser tzünglu tulu arubayong atentena liasü.

¹⁰Idangji putir Ezra noktak, aser parnok dang ashi, “Nenoki tai menaogo aser Israel temenen tali kümdaktsütsü bendangtsür agiogo;

¹¹anungji, nenok tsürabur Tsüngrem, KIBUBA dang tai nangzükang, aser pai mulungba inyakang; aser linük nübur nungi aser bendangtsürtem nungi pila-ang.”

¹²Idangji telokti ajaki langzü aser ola tulu agi ashi, “Onok indang nai ashi ama onoki inyakdi.

¹³Saka nütsüng jenti, aser ya tzünglu kanga aruba mapang, aser onoki moa nung noktaktsü makok, mesüra ya anogo ka ana mapa masü; kechiyong iba mapa nung onoki kanga tai menaogo.

¹⁴Tang asenok tongtipur telok ajak asoshi noktaka lidakjang, aser yimtitem nung alir shirnoki bendangtsür agiogo parnok mapang tatakzük nung arudakjang, aser parnok den yimti shia nungi tamburtem, asenok nungi asen Tsüngrem tetsübutsü terasaba meyipa mao tashi, iba mapa ya bendanga meyok tashi parnok arudakjang.”

¹⁵Asahel chir Yonathan aser Tikva chir Yakzeia dang iba mapa anema noktak; aser Levi nunger Meshullam aser Shabethai parnok yari.

¹⁶Tepuokdak nungi shilangertemi yamaji inyak. Aser putir Ezra aser parnok tebou semchirtem kinunger rongnung tanishirtem, aser parnok ajak tenüng ja-a shimtet; aser ita terbuba mezüngnü mapaji reprangtsü parnoki amen.

¹⁷Aser ita mezüngbuba mezüngnü nung bendangtsür agir ajak den parnok mapa atem.

¹⁸Putir chir rongnung bendangtsür agirtemji Yozadak chir Yeshua nungi jakzükbatem, aser pa adianutem, Maaseia, Eleazar, Yarib, aser Gedalia.

¹⁹Parnok kinungtsürtem jendokadoktsü ta parnoki tenangzükba agütsü; aser tai mena-a ali nung, san telok nungi tepung ka parnok temenen atema parnoki tenla.

²⁰Immer nungi jakzükba; Hanani aser Zebedia,

²¹Harim nungi jakzükba; Maaseia, aser Elija, aser Shemaia, Yahiel, aser Uzzia.

²²Pashhur nungi jakzükba Elioenai, Maaseia, Ishmael, Nethanel, Yozabad aser Elasa.

²³Levitem nungi: Yozabad, Shimei, aser Kelaia (aji Kelita), Pethahia, Yihuda, aser Eliezer.

²⁴Aser kentenertem; Eliashib; aser kishi nükertem: Shallum, Telem aser Uri.

²⁵Israel nungi: Paros nungi jakzükba; Ramia, Izzia, Malkhija, Mijamin, Eliazar, Malkhija, aser Benaia.

²⁶Elam nungi jakzükba: Mattania, Zakaria, Yehiel, Abdi, Yeremot, aser Elija.

²⁷Zattu nungi jakzükba; Elioenai, Eliashib, Mattania, Yeremot, Zabad, aser Aziza.

²⁸Bebai nungi jakzükba; Yehohanan, Hanania, Zabbai, Athlai.

²⁹Bani nungi jakzükba; Meshullam, Malluk, Adiaa, Yashub, Sheal, Yeremot.

³⁰Pahathmoab nungi jakzükba; Adna, Chelal, Benaia, Maaseia, Mattania, Bezalel, Binnui; aser Manase.

³¹Harim nungi jakzükba; Eliezer, Isshija, Malkhija, Shemaia, Shimeon;

³²Benjamin, Malluk, Shemaria.

³³Hashun nungi jakzükba; Mattenai, Mattata, Zabad, Elifelet, Yeremai, Manase aser Shimei.

³⁴Bani nungi jakzükba; Maadai, Amram, aser Uel;

³⁵Benaia, Bedeia, Cheluhi;

³⁶Vania, Meremot, Eleashib;

³⁷Mattania, Mattenai aser Yaasu;

³⁸Bani, Binnui, Shimei,

³⁹Shelemia, Nathan, aser Adaia;

⁴⁰Maknadebai, Shashai, Sharai;

⁴¹Azarel, aser Shelemia, Shemaria,

⁴²Shallum, Amaria, Yosef.

⁴³Nebo nungi jakzükba; Yeiel, Mattithia, Zabad, Zebina, Iddo, Yoel, Benaia.

⁴⁴Item ajaki bendangtsür agi; aser parnok kar kinungtsüri tanur soja liasü.