Read njo NEHIMIA 12 Bible Online

NEHIMIA 12 - njo bible

NEHIMIA 12

¹Tang putir aser Levi nunger shir Shealtiel jabaso Zerubbabel aser Yeshua den ao parnok tenüng yamai: Seraia, Yerimia, Ezra;

²Amaria, Malluk, Hattus,

³Shekania, Rehum, Meremot,

⁴Iddo, Ginnethoi, Abija;

⁵Mijamin, Maadai, Bilga;

⁶Shemia, Yoiarib, Yedaia;

⁷Sallu, Amok, Hilkia, Yedaia, Yeshua mapang nung itemji putir tazüng aser parnok adianutem liasü.

⁸Ano Levi nunger: Yeshua, Binnui, Kadmiel, Sherebia, Yihuda aser Mattania shiba tenüngsang ken tener telok tanishiba liasü, pa den par adianutem.

⁹Ano parnok adianu Bakbukia o Unno na parnok jakdang noktak.

¹⁰Yeshua nungi Yoiakim jakzük, Yoiakim nungi Eliashib jakzük,

¹¹Eliashib nungi Yoiada jakzük, aser Yoiada nungi Yonathan jakzük, aser Yoiada nungi Yonathan jakzük, aser Yonathan nungi Yaddua jakzük.

¹²Yoiakim mapang nung putirtem tebu taren tenük shia nungi tongtiba shimtet. Seraia nungi Meraia; Yerimia nungi Hanania;

¹³Ezra nungi Meshullam: Amaria nungi Yehohanan;

¹⁴Malluki nungi Yonathan; Shebania nungi Yosef;

¹⁵Harim nungi Adna; Meraiot nungi Helkai;

¹⁶Iddo nungi Zekaria; Ginnethon nungi Meshullam;

¹⁷Abija nungi Zikri; Miniamin o Moadia na nungi Piltai;

¹⁸Bilga nungi Shammua; Shemaia nungi Yehonathan;

¹⁹aser Yoiarib nungi Mattenai; Yadaia nungi Uzzi;

²⁰Sallai nungi Kallai; Amok nungi Eber;

²¹Hilkia nungi Hashabia; Yedaia nungi Nethanel.

²²Levi nunger Eliashib, Yoiada, Yohanan aser Yaddua mapang nungi Persia chuba Dairus chubaba mapang tashi tebu taren tenük shia tenüng zülua liasü.

²³Levi jabasotem tebu taren shinük shia nungi tongti tenüng, oda Eliashib jabaso Yonanam mapang tashi putipuyang kaket nung zülua liasü.

²⁴Ano Levi kin nung tongtipur: Hashabia, Sherebia, aser Kadmiel jabaso Yeshua, aser parnok adianutem, Tsüngrem tenyar Dawidi melaba ozüng ama tenüngsang agütsüba mapang nung telemsa shia nung terepranger liasü.

²⁵Terizüngdak taktang nung kiküm anükertemjia Mattania, Bakbukia, Obadia, Meshullam, Talmon aser Akkub liasü.

²⁶Item Yeshua jabaso Yoiakim, Yazadak semchir pa mapang putir aser governor Nehemia aser tezülur Ezra mapang nung liasü.

²⁷Yirusalem jara meshitetba mapang nung, laya, tzürang kongki, aser tawaba kongki amshia tenüngsang ken atenba agi temeshitetba benjongji lungsodaktsütsü asoshi tesem ajak nungi Levi kintemji bushia Yirusalemi aniten.

²⁸Aser ken tener asangurtem Yirusalem temeket lenten linük aser Nethofath linük aika nungi senden.

²⁹Ano Bethgilgal aser Azmavet o Geba na lenten nungi aru. Kechiaser kentenertemi Yirusalem meketa parnok yim yanglu.

³⁰Putir o Levi nunger parnok sasa merüktet; aser parnoki süngkhüm, jara aser item nübur merüktetdaktsü.

³¹Idangji ni Yihuda nunger tulurtem jara temalen aniten aser tenüngsang agüja yimtong süa aotsü telok tulu ana shimtet; telok ka jara tajichilen Jana Süngkhüm leni ao;

³²aser parnok sülen Hoshaia aser Yihuda nunger tulur tesadang ka,

³³aser Azaria, Ezra, Meshullam,

³⁴Yihuda, Benjamin, Shemaia, Yerimia,

³⁵aser putir chirtem kar jangzü den, parnok tenüng; Yonathan jabaso Zekaria, Shemaia jabaso, Mattania jabaso, Mikaia jabaso, Zakur jabaso. Asaf jabaso;

³⁶aser par adianutem Shemaia, Azarel, Milalai, Gilalai, Maai, Nethanel, Yihuda, Hanani, Tsüngrem nisung Dawid meyong kongki tapu balala den anitak aser tezülur Ezra parnok jakdang ao.

³⁷Aser parnoki Tzüpokdak Süngkhüm nungi, Dawider ki tema aliba jara leni atudak, Dawid yimti apu ta ajaba lenmangi anüdoklen aliba Tzü Süngkhüm tonga atu.

³⁸Tenüngsang agüja yimtongsür tanabuba telokji parnok den ajuruteptsü tapeleni ao, aser parnok sülen ni aser jara temalen alir nübur tesadang ka, misen mitsa tema nungi tesadem jaraji tonga atu.

³⁹Aser Efraim Süngkhüm temalen nungi Tejen Süngkhüm o Ango Süngkhüm na, aser Hananel o Hammea mitsa na ajanga, San Süngkhüm tonga atu; aser Miter Süngkhüm jakdang tiptema marakzüi noktak.

⁴⁰Yamaji Tsüngrem kidang tenüngsang agütsür telok anaprongla noktak, aser ni aser kü den yimsüsürtem tesadang ka;

⁴¹aser putirtem Eliakim, Maasiea, Miniamin, Mikaia, Elioenai, Zekaria, Hanania, parnoki jangzü aben;

⁴²aser Maasiea, Shemaia, Eliazar, Uzzi, Yehohanan, Malkija, Elam, Ezer tena noktak. Ano kentenertem parnok tanishiba Yezrahiai anir ken tashi agi tena noktak.

⁴³Panüji parnoki tenla tulu agüja kanga pelatep; kechiaser iba ama tepela tulu katettsübaji Tsüngremi parnok dang mela, aser iba tepela nung tetsür aser tanur chanutem dena pelatep; oda iba Yirusalem pelatepbaji talang nungia angashia liasü.

⁴⁴Ano panüjisa, putir aser Levi nunger atema ozüng agi shimteta akaba alu nungi temeranger tenla, mezüng süngjang tenla, aser ter shilem tenla bendentsü aser rizüngtsü asoshi terizüngdak taktang balala madak nisung shimtet; kechiaser Yihuda nungeri putir aser Levi nunger asoshi pela-a liasü.

⁴⁵ Aser Dawid o par chir Solomon nati tentetba ozüng amato, parnoki kentener o kiküm anükertem dena parnok Tsüngrem aser temeshitetba benjongji akanga anüktsü agizük.

⁴⁶Kechiaser Dawid tendak aser akhi Asaf mapang nung kentener rongnung teshimtetpur ka liasü, aser Tsüngrem asoshi tenüngsang aser tepela ken liasü.

⁴⁷Aser Zerubbabel o Nehemia na mapang nung Israel nunger ajongai ken tener o kiküm anüker nem, anogo shia parnok tenüngdaktsü aser tangutsü shilem kechi ali, aji peria agütsü; aser Levi nunger shilem kechi, ajia balaka sadanger ayu, aser Levi nungeria Aron jabasotem shilemji balaka shimteta yutsü.