Read njo NEHIMIA 3 Bible Online

NEHIMIA 3 - njo bible

NEHIMIA 3

¹Idangji temaba putir Eliashib aser par adianu putirtem mulung ajongmeso, aser parnoki san süngkhümji yanglushi, parnoki aji meshitet aser kishiji enok; parnoki Hammia aser Hananel lungkitem tonga meshitet.

²Pa sülen Yeriko nungeri yanglu. Aser parnok sülen Imri jabaso Zakuri inyak.

³Ango Süngkhümji Hassena chirtemi yanglushi, idakji parnoki sanenji atalok, kishitem aser idakji tartangtsü merang enok.

⁴Parnok sülen Hakkoz jabaso Uria chir Meremoti yanglushi. Iba sülen Meshezabel jabaso Berekia chir Mesholami yanglushi. Parnok sülen Baana chir Zadoki yanglushi;

⁵parnok sülen Tekoa nungeri yanglushi, saka parnok rongnung tulurtemibo KIBUBA mapa inyaktsü asoshi memulung.

⁶Tejenba Süngkhümji Pasea chir Yoiada aser Besodea chir Meshullami yanglushi; parnoki sanenji atalok aser idakji kishi aser tartangtsü merang yok.

⁷Iba sülen Gibeon nunger Melatia aser Meronot nunger Yadon, ano Gibeon nisungtem aser Mizpa nisungtem shir ayong külen alir governor kübok liasü, parnoki yanglushi.

⁸Pa sülen hon ayanger Harhaia chir Uzzieli yanglushi. Aser pa sülen teronem menemtsü oset amshir Hananiai yanglushi; aser parnoki Yirusalem tesadang jara tonga yanglu.

⁹Parnok sülen Hur chir Refaia, shiba Yirusalem linük tesadang nung yimsüsür liasü, pai yanglushi.

¹⁰Parnok sülen Harumag chir Yedaiai par ki jakdang aliba jara yanglushi. Ano pa sülen Hashabnia chir Hattushi yanglushi.

¹¹Harim chir Malkija aser Pahath-moab chir Hasshub tenati tanga shilem ka, misen mitsa dena yanglushi.

¹²Pa sülen Yirusalem linük tesadang nung yimsüsür, Hallohes chir Shallum aser pa jalatemi yanglushi.

¹³Lenten Süngkhümji Hanun aser Zanoa yimeri yanglushi. Parnoki aji yanglushir kishi aser tartangtsü enok. Ano parnoki Jana süngkhüm tonga jaraji süklep meyi ka tashi yanglushi.

¹⁴Beth-hakkerem linük nung yimsüsür Rekab chir Malkijai jana Süngkhüm yanglushi: pai aji yanglur kishi, aser tartangtsü enok.

¹⁵Aser Mizpa linük nung yimsüsür Kolhoze chir Shallumi tzüpokdak Süngkhüm yanglushi; pai aji yanglua kishi, aser tartangtsü enok aser chubar atsüki anasa Shila awatsüng jarajia Dawid yimti-i aluba jenjang tonga yanglu.

¹⁶Pa sülen Azbuk chir Nehimia, shiba Bethzur linük tesadang nung yimsüsür liasü, pai Dawid chuba leper jakdang nungi tzütu aser tamarener alidak ki tashiji yanglushi.

¹⁷Pa sülen Levi nunger Bani chir Rehuni yanglushi. Aser pa sülen Keila linük tesadang nung yimsüsür Hashabiai par linük shilemji yanglushi.

¹⁸Pa sülen par adianu Henadad chir Bavai, shiba Keila linük tesadang nung yimsüsür liasü, pai yanglushi.

¹⁹Pa sülen Mizpa yimsüsür Yeshua chir Ezeri jara temeyiplen ka, nok o nü rizüngdak ki leni atulen yanglushi.

²⁰Pa sülen Zabbai chir Baruki kanga nendaka, jara shilem kinük nungi temaba putir Eliashiber kishizüng tonga yanglushi.

²¹Pa sülen Hakkozer kinunger Uria chir Meremoti Eliashiber kishizüng nungi tenzüker Eliashib ki tatem tashi yanglushi.

²²Pa sülen temeket nung alir putirtemi yanglushi.

²³Parnok sülen Benjamin aser Hasshub nati parnok ki tindangji yanglushi. Parnok sülen Anania nungi jabaso Maaseia chir Azariai par ki anasa yanglushi.

²⁴Pa sülen Henadad chir Binnui Azariar ki nungi tenzüker jara temeyipdak aser kinük tashi yanglushi.

²⁵Uzai chir Palali jara temeyipdak nungi chubar ki temaba mitsa, tanüker alidak taktang anasa, tashi yanglushi. Pa sülen Parosh chir Pedaiai yanglushi.

²⁶Tang Nethinim nungerji Ofel nung ali, anüdoklen tzü Süngkhüm aser noktaka aliba mitsa tashi, idakji liasü.

²⁷Pa sülen Tekoa nungeri mitsa tuluba nungi Ofel jara tonga tip külen yanglushi.

²⁸Ano putirtem nisung shiai, kor Süngkhüm temalen, pei ki tindangji yanglushi.

²⁹Parnok sülen Immer chir Zadoki pei ki tindangji yanglushi. Pa sülen, anüdoklen Süngkhüm anüker, Shekania chir Shemaiai yanglushi.

³⁰Pa sülen Shelemia chir Hanania aser Zalap chir trokbuba Hanuni shilem ka yanglushi. Pa sülen Berekia chir Meshullami par takdang jakdang yanglushi.

³¹Pa sülen hon ayanger Malkijai Nethinim ki tonga yanglushi, aser shishilembartemi Hammifkad Süngkhüm tindang nungi temaba taktangi atulen kinük tonga yanglushi.

³²Ano temaba taktangi atulen kinük nungjagi san Süngkhüm tashi hon ayanger o shishilembar nati yanglushi.