Read njo YOB 13 Bible Online

YOB 13 - njo bible

YOB 13

¹Ajiang, ni ajak nguogo; Kü narongi angashiogo, aser angatetogo.

²Nenoki kechi metet, nia metet; Ni nenok dang tekübokba masü.

³Saka ni ajak Takoksang den jembinür, aser Tsüngrem den o ashishiteptsü ni aginüa yongyar.

⁴Saka nenok tiyazü yanglurtem, Nenok ajak amajok mozü metetbatem dang.

⁵Oh, nenoki dang mokorai ali asübo, Aji nenok tashi temetet süla!

⁶Tang ni kü bang agi jembiba angang; Aser kübangmechi agi mepishiba angang.

⁷Nenoki Tsüngrem tenüng nung tiyazü aser tekülak jembidi ma?

⁸Nenoki pa tejak reprangdi ma? Aser Tsüngrem asoshi tepu kümdi ma?

⁹Pai na tai bushitsüji tajung ama? Mesüra nisungi külakoktsüba ama nai pa külakoktsüdi ma?

¹⁰Nai kipok nung tejak reprangra, Pai atangji na metongshitsütsü.

¹¹Pa sentsü agi na metsübuli ma? Aser pa akhüm agi mewangshili ma?

¹²Nenoki tatishitsü shinbatemji aut dang; Nenok temeten otemji ajongli dang.

¹³Tokora, ni jembitsü asoshi, ni odang tokjang, Aser kechi südir süang.

¹⁴Kü shi nung koda sür kü tepu ajangtsü? Aser kü taküm kü teka nung koda ayutsü?

¹⁵Ajiang, pai ni lepsettsü; ni teimla maka; aji saka ni pa madang kü temeden bushitsü.

¹⁶Aji kü tekümtetba alitsü; Kechiaser Tsüngrem metsübuba nisungi pa dangi marutsü.

¹⁷Kü o jungjunga angang, Aser ni kazükba o ne narong nung lidakjang.

¹⁸Tang ajiang, ni kü o tatongi agütsüogo; Ni metentsütsü ta ni metet.

¹⁹Kü den o akatsü shiba ali? Yamaji asü nung dang ni mokorai alitsü aser asütsü.

²⁰Nai kü dang o ana ya mela-angma, Idangjibo ni küjak na nungi matsüktsü.

²¹Neka kü dang nungi talangka piladakjang; Aser ni tetsübutsü agi ni taoksadaktsü.

²²Idangjiang nai jaang aser ni atangtsü; Mesüra ni jembidi, nai langzüang.

²³Kü tai aser temenen kwika ali? Ni ozüng raksaba aser kü temenen metetdakjang.

²⁴Kechiba ne tejak nembanger? Aser niji tsükchir ta züngshir?

²⁵Mopungi oner oya aliba to ka nai aoksatsüdi ma? Tsüksü takongji nai arishidi ma?

²⁶Kechiaser nai ni anema o taku züluoktsür, Aser kü lanuwa temenentem kü nem senmang amangdaktsü;

²⁷ Aser nai kü tsüng tsüngden chioker, aser kü tsüngsü apur; Nai kü tsüng meketa arrtsü yanglua ayur.

²⁸Ni shizüka aoba oset ka ama liaka; aser tarütsüi achiba sü ka ama liaka, nai ya ajak kü dang inyaker.