Read njo YOB 17 Bible Online

YOB 17 - njo bible

YOB 17

¹Kü tanela raksaogo, kü anogo maka, Ni asoshi lep renema lir.

²Atangji tatalartem ni meketa lir; Aser parnoki tawaktsü atudaktsüba agi kü tenük rabanger.

³Ni ya mepishir, ne den ni alangzüktsü nai tenangzükba kuli kua; Ne dak alaka kü den teka amteptsü shiba ali?

⁴Kechiaser tangatetba nungi nai parnok mulung miima yuogo; Anungji nai parnok nem mokokdaktsütsü.

⁵Shibai shilem ka angutsü meji pei tembartem dang tiyazü jembir, par chirtema tenük pokdaktsütsü.

⁶Kintemi otsü asütsüsa; Aser nisungi kü dak metsü metsüloktsütsüsa pai ni yanglutsüogo.

⁷Kü tejashiba agi kü nüki mejangjai angur; Aser kü tenük-telen ajak akhüm ka ama dang.

⁸Tindangertemi iba nung süngmangtsü; Aser tai makari Tsüngrem dak mamanger asoshi shisa bulur.

⁹Yongjia temeshipuri pei lenmang metoktsür; Aser shiba teka temerük lir tali tashi taitba akümtsü.

¹⁰Saka nenok ajak tang arungjong; Aser nenok rongnung tashir ka danga mangutsü.

¹¹Kü anogo süiogo, kü sentongtem raksaogo; Oda kü mulung nung tebilemba raksaogo.

¹²Parnoki ammangji anüngdang kümtsür, Aser ashir, “Tesangwaji tammang anasa lir.”

¹³Ni Sheolji ozü ki ta reprangra; Tammangdak ni yipten lemra;

¹⁴Ni Sheol dang na “kü aianu” ta shira; Aser ni achiba mesen dang “na kütsü aser kübu” ta shira;

¹⁵Ajangla kü teimla kong ali? Aser kü teimla shibai reprangtsü?

¹⁶Parnok kü den Sheoli alutsü asü? Mesüra onok külemi auyi jagi aitsü asü?