Read njo YOB 18 Bible Online

YOB 18 - njo bible

YOB 18

¹Idangji Shuhai nungba Bildadi langzü;

²O aputsü asoshi kopiga sang asotsü? Bilemdangang, aser tesü onoki jembidi.

³Kechisü nung onok shiruru ama züngshir, aser kechiba ne nükdang onok tamachi kümdaktsür?

⁴Na ne sasa ain adoka pungtenra; Ne meji alimaji azüngmeyak kümdi ma? Mesüra, lung ka talidak nungi jokendi ma?

⁵ Hau, tamajunger meyong milen remseper; Aser pa mi milak mejangrur;

⁶Pa süki nung milenji manga lir, aser pa tekolak nung pa milenji remseper.

⁷Pa tashi tait mera tatsüba akümtsü; Aser pei tasa agi pa laodaktsütsü.

⁸Kechiaser pei tetsüng sang nung atemer; Aser pai sang lisü mesangba manung jajar.

⁹Pa tenüklangji sang agi apur; Aser sang jagi pa apur.

¹⁰Pa asoshi ali nungji sang lisü mesanga lir; Aser pa taolen sangji yua lir.

¹¹Ajaklen tetsübutsü agi pa aoksatsür; Aser tetsüng nung nepeta arishir.

¹²Pa tashi lular; Aser pa metsütakdang lendong atongtsü renema lir.

¹³Tashitak agi pa teküp chimar; Aser tashitak tetsüdibai pa tenüktelen chimar.

¹⁴Pai temulung lema aliba süki nungi pa atsüdoktsü; Aser pa tetsübu madak chuba dangi anir aotsü.

¹⁵Pa süki nung kecha malitsü; Pa talidak mitsüktsü lung alatsü.

¹⁶Telunglen pa tera süadoker; Aser temalen pa kongsang azülar.

¹⁷Alima nung pa bilemtetba mali; Aser yimdong nung pa tenüng mali.

¹⁸Tesangwa nungi tammangdaki pa yoker; Aser alima nungi aridoker.

¹⁹Par chuba rongnung techira semchira malitsü; Aser pa alidak shinga anünga malitsü.

²⁰Anüdoklen aliri pa tasü tia ngua pangkar; Aser anüolen aliri aoksar.

²¹Atangji memeshiba pur talidak yamaji lir; Aser shibai Tsüngrem memetet pa talidak ya lir.