Read njo YOB 23 Bible Online

YOB 23 - njo bible

YOB 23

¹Idangji Yobi langzü;

²Tanüa kü nemnemba taku; Ni anüngba dang nungi pa teka ang taretba.

³Oh, pa kong angutsü aji metetla sang; Oda pa amendak tonga ni aotsüsa!

⁴Ni pa madang kü o tatongi agütsütsü; Aser kü bang onük tapu tapu agi asüngtsü,

⁵Pai kechi langzütsü aji ni metetla sang; Aser pai kü dang kechi ashitsü aji angatetla sang!

⁶Pa ain tulu agi kü den toktepdisü na? Masü, saka pai kü o angadangtsü,

⁷Idakji tindang nisung kati pa den o kateptsü; Aser teti asoshi kü obendangsang nungi ni kümzüktsü.

⁸Ajiang, ni anüdokleni aor, saka pa idakji mali; Aser anüoleni meyiper, saka ni pa majiteter.

⁹Ni pa anüdoklentip bushia ao saka mangur; Mesüra anüolentip nunga ni pa mangur.

¹⁰Saka pai ni aolen meteta lir; Kodang pai ni tentangdir, ni hon ama adoktsü.

¹¹Pa tsüngsü nung ni metitemi jajaogo; Ni pa lenmang nung anitakogo, aser tanga leni mao.

¹²Pa tebang nungi kazükba ozüngtem ni kodanga meindok; Kü chiyungtsü dang nungi talisa ni pa o rizüngogo.

¹³Saka pa temulung ka dang, aser shibai pa melenshitsütsü akok? Aser pa nelai kechi sünür aji asür.

¹⁴Kechiaser ni asoshi kechi lemteta ali aji pai renemtsür; Aser ibala aika pa mulung nung lir.

¹⁵Anungji pa tsüngdang ni koda masür; Kodang ni bilemdir, ni pa tsübur.

¹⁶Kechiaser Tsüngremi kü mulung ilatsüogo; Aser ajak Takoksangi ni timtemdaktsür.

¹⁷Kechiaser tammang agi ni koda masü; Aser ammang temelem jagi küjak nembang.