Read njo YOB 27 Bible Online

YOB 27 - njo bible

YOB 27

¹Yobi ano pa o entepba maneni ashi;

²Tsüngrem taküm ali nungji, shibai kü temeden rakzükogo; Aser ajak Takoksang, shibai kü nela kuremdaktsüogo;

³Kechiaser ni ano tangula sashir; Aser Tsüngrem tanela kü taküm nung lir;

⁴Atangji kübangmechi agi tiyazü mejembitsü; Mesüra kü meli-i tekülak madoktsü;

⁵Na shitak lir ta ni kodanga mashitsü; Ni masü tashi ni shitakba nung ametba mechioktsü.

⁶Kü temeshiba ni jungjunga ameta lir, aser ni mechioktsü; Ni taküm ali tashi kü mulungjangi ni anema kecha malitsü.

⁷Kü tsükchirji tamajunger den saku; Aser ni anema adoksangji memeshiba den saku lidakjang.

⁸Kechiaser kodang Tsüngremi leptokdir, oda kodang Tsüngremi pa taküm bener odir, Tsüngrem metsübur asoshi teimla kechi ali?

⁹Pa dangi timtem arudang pai ayimtenra, Tsüngremi angatsü asü?

¹⁰Ajak Takoksang dak pai peladi ma? Aser mapang ajak nung pai Tsüngrem dang jadi ma?

¹¹Tsüngrem mapa indang ni ne dang sayudi; Ajak Takoksang tebilemba kechi ali, aji ni miima mayutsü.

¹²Ajiang, nenoki nenok sasa ya ajak nguogo; Ajangla kechiba nenok amajok aküm?

¹³Tsüngrem nungi tamajunger shilemji ya; Aser rishikangshirtem senmang, koba parnoki ajak Takoksang nungi agizüker;

¹⁴Par chirtem renlokra, aji nok asoshi; Aser pa nungi jakzükbatemji tepok masünger.

¹⁵Shirnok pa nungi anüngzük, parnokji tashitak wara agi aremtsü; Aser pa amitsürtemi mang mayimtsü.

¹⁶Pai auyi ama taribi nangtenaka, aser ajongli ama sobutsü renemaka;

¹⁷Pai aji renemtsü akok, saka ochishiri aji semoktsü; Aser tai makari taribiji lemsatsü.

¹⁸Pai sorak ama par ki yanglur; Aser mitkar ama semtu yanglur.

¹⁹Pai takar küma mejanger, saka aji ojang; Pai tenük lapoker aser pa rongsen malir.

²⁰Tzü ama tetsübutsü agi pa dak atonger; Aonung yipru agi pa oner aor.

²¹Anüdoklen mopung agi pa bener aor, aser pa pila-a aor; Aser aji agi pa talidak nungi oktoker.

²²Kechiaser Tsüngremi taochi makai pa dak onloktsür; Pa ket nungi pai jena aotsü.

²³Pa dak nisungi teka matentsü; Aser pa talidak nungi apudoktsü.