Read njo YOB 33 Bible Online

YOB 33 - njo bible

YOB 33

¹Oh Yob, kechi südir süaka, nai yimlibilema ni jembiba angang; Aser kü o ajak angang.

²Tang ajiang, ni kü bang lapokogo; Kü meli-i jembiogo.

³Kü mulungjang tindang indang ni jembitsü; Aser kechi ochi aji ni jembitsü.

⁴Tsüngrem tanelai ni yangluogo; Aser ajak Takoksang tangulai kü nem taküm agütsür.

⁵Nai kokra kü dang langzüang; Ne o tatongi renemang, aser arungjong.

⁶Ajiang, Tsüngrem madang na ama nia lir; Nia ajongli agi aküm.

⁷Ajiang, kü tetsübutsü agi na maoksatsü; Mesüra ne dak kü teka kangabo maitsü.

⁸Atangji kü narong nung nai jembiogo; Aser nai yamai shiya-a ni angashiogo;

⁹“Ni temerük, ozüng meraksa; Ni tai maka, kü dak temenen mali.

¹⁰Ajiang, pai ni anema tai bushir; Pai ni tsükchir ta züngshir.

¹¹ Pai kü dak tsüngden yoker; Pai ni taolen ajak ajioka ayur.”

¹²Ajiang, ni ne dang shidi, yangi na tai lir; Kechiaser Tsüngremji nisung dangbo tuluba.

¹³Kechisünung nai pa den toktepa yamai ashir, “Pai kü o ka danga melangzü?”

¹⁴Kechiaser Tsüngremi khen anaben jembir; Saka nisungi aji mangateter.

¹⁵ Pungmang nung, aonung mangdang nung, teyiprep mapang nung; Nisung yipten nung mejangba mapang nung;

¹⁶Idangji pai nisung narong lapoktsür; Aser tekümdangtsü agi parnok amokmerener;

¹⁷Oda meimchiri temenen mapa nungi atsüngentsü asoshi; Aser nisung nungi asüküm agientsü asoshi;

¹⁸Pa tanela ongken nungi sota ayutsü asoshi, aser pa taküm nok o nü nungi kümzüktsü asoshi;

¹⁹Pa yipten nung tashitsü ajanga pa azüoker, aser pa teret angoba matanger.

²⁰Pai chiyungtsü metangshir; Aser pa nelai anükalem chiyungtsü mebangnanger.

²¹Pa shi tenük agi mungui kongrasüka aor, aser pa teret mungui aliba to adoker.

²²Aser yamaji pa tanela ongken anasai, aser telepseter madangi pa taküm aor.

²³Tang kechi shitak lir aji nisung dang sayutsü asoshi, pa den kotak tenyar ka; 0-tongtar ka, meyi ka nung ka lira;

²⁴Aser pai pa dak aochira, aser ongkeni meludaktsüi pa chiokra; Ni pa taküm asoshi talangzükba nguogo ta shira;

²⁵Pa shi ano lanu kümshir; Aser pa lanuwa mapangi meyipdakjang.

²⁶Pai Tsüngrem dang sarasademer aser pai pa dang temeim sayur; Pai Tsüngrem tejak tepela agi angur; Aser pai nisung nem pa temeshiba shia agütsür.

²⁷Pai nisung madang ken atener, aser ashir, “Ni temenen mena, aser metonga aliba kirakdaktsü; Saka pai kü menen yari memerenshi;

²⁸Pai kü nela ongkeni meyidaktsüi alangzük; aser kü takümi tesangwaji angutsü.”

²⁹Ajiang, item ajak Tsüngremi inyaker; Nisung ka den anaben asemben tashi,

³⁰oda pa nela ongken nungi meyipa anitettsü asoshi; Aser taküm tesangwa ngujema angutsü asoshi.

³¹Oh Yob, temulung agüjang, kü dang angang; Ni jembidi, tokora.

³²Nai tashitsü kar danga lira, kü dang langzüang; Kechiaser na tai maka ta sayunür.

³³Yamaji mesüra, nai kü dang angang; Na mokorai liang, aser ni ne dang tashi temetet o sayutsü.