Read njo YOB 35 Bible Online

YOB 35 - njo bible

YOB 35

¹Ano Elihui ashi;

²Nai ya shitak ta bilemer asü? Tsüngrem nungi ni temeshi lir ta nai ashir asü?

³“Ni asoshi aji kechi tajangzük? Temenen mena-aka, memena-aka ni kechi tajangzük” ta nai bilemer?

⁴Ne dang aser ne tembartem dang ni langzüdi.

⁵Anünglen reprangang, aser ajiang; Aser mepetji ajiang, itemji ne dang talangba.

⁶ Nai temenen menara, pa balaka akümer asü? Aser nai ozüng aika raksara, pa asoshi aji kechi?

⁷Na temeshi süra, nai pa nem kechi agütsür? Mesüra neka nungi pai kechi angur?

⁸Ne menen agi na amala nisung ka dang kangshitsü; Aser ne temeshibaji nisung chir ka asoshi dang tajangzük.

⁹Rishikangshi onsara nung nisungtemi ayimtener; Tashi taiter tepen majet nung parnok teyari meshir;

¹⁰Saka shingaia yamai mashir, “Kü Teyanglur Tsüngrem shibai ammang nung ken agütsür, pa kong ali?

¹¹Shibai alima shiruru dang nungi asenok tali sayur; Aser anüng ozü dang nungi tashiba kümtsür?”

¹²Nisungtemi ayimtendang pai melangzür; Kechiaser tamajunger asükümba yong pai melangzür.

¹³Atangji Tsüngremi amajok ayimtenba mangashir; Mesüra ajak Takoksangi aji mezüngshir.

¹⁴Ajangla, nai pa mangur ta ashidang kodaka pai angatsü; Aser nai pa atar ta ashir süra, koda tilaba züngshitsür!

¹⁵Tang pai ain adoka mesemdang nung, Mesüra tai kangabo mebushi nung,

¹⁶Yob amajok nung pa tebang lapoker; Kecha memeteti pa o apoker.