Read njo YOB 39 Bible Online

YOB 39 - njo bible

YOB 39

¹Lungren shiotem kodang techanu mepur, nai meteter ma? Mesüra mesüi kodang techanu mepur nai angu asü?

²Item ita kwi techanu abener nai azünger asü? Mesüra itemji kodang mepur aji nai metet asü?

³Item jagi koda mokremer techanu mepur, Aser kodang alima dangi parnok techanu anir arur, nai metet asü?

⁴Item techanu tashi tait aser parnok moapu nung yinteter; Itemji aor, aser joko meshilanger.

⁵Arem gadoji shibai chiok? Mesüra arem gado shibai sala?

⁶Azüngmeyakdakji pa ki; Aser aitji pa talidak ni yanglutsü.

⁷Pai yimti nung nanüngtepbaji menütsür; Mesüra shingaia pa azüoktsü makoker.

⁸Tokong nung pa chiyimdak bushir; Aser süngolio ajak pai bushir.

⁹Sümung kati na tenzükdi ma? Mesüra pai nashi ki nung mejangdi ma?

¹⁰Nai sümungji lisü agi sentaker alu ladi ma? Mesüra ne sülen pai alu alatsüdi ma?

¹¹Pa tashi tulu asünungji nai pa dak tamang kadi ma? Nai ne lu nung inyaktetbaji pa nem toktsüdi ma?

¹²Ne metsü pai bener arutsü aser jendangi itemji bendentsü ta; Nai pa dak tamang kadi ma?

¹³Ostrich ozü tashikang tepela agi ayipshir, Saka Pinion aser tzü ozü tezüng den medemdangtsü makok.

¹⁴Kechiaser lai pei entsü ali nung toktsür; Aser lisem nung mokdaktsür.

¹⁵Aser aji tangari raksatsütsü ta, aser arem shirurui ajemsatsü ta mebilemteter.

¹⁶Lar techanuji pa meyong ama mesüi meketmeseni benshir; La mapaji amajok akümtsü kecha tsübua mali;

¹⁷Kechiaser Tsüngremi la nem shisatsü magütsü; Aser tangatetba shilem melemzüktsü.

¹⁸Kodangsa asemtsü tenzükdir; Lai kor aser iba dak asangba nisung menütsür.

¹⁹Nai kor ka nem tashi agütsür asü? Nai pa tekong tezüng agi süngtsü asü?

²⁰Pa tetsübutsü ka akhüm keta asadang; Jangkok ama nai pa joktendaktsür asü?

²¹Pai pa tashi nung tepela agi pungtener; Aser nok o nü ajurutsü aor.

²²Pai tetsübutsüji hau ta mali, aser tezü matanger; Mesüra nok nungi memeyiper.

²³Lijakbong, nülak, aser sangja pa dak akoshir.

²⁴Mit adokba tetsübutsüka pa alidak angur; Mesüra jangzü apudang pa marakzüi meliteter.

²⁵Jangzü apu-aben pai, Aha, ta asar. Apiga nungi pai tongbang tanishir arrürba aser jatenba menemteter.

²⁶Ne kolak ajanga mongzü yima aobaji ne dang nungi angazükba asü?

²⁷Mesüra ne ozüng agi orijai yimketa tur, azük talang nung tesep yanglur asü?

²⁸Lungbang nung pa alir aser lungren nung, aser tenem kolak nung pa talidak lir.

²⁹Ang nungjagi pai chiyungtsü ayimer; Talangka nungi pai ajiteter.

³⁰ Pa techanutemi azü mereper; Aser kong tasü mang lir, idakji pa lir.