Read njo TENÜNGSANG KEN 101 Bible Online

TENÜNGSANG KEN 101 - njo bible

TENÜNGSANG KEN 101

¹Taochi aser ochi indang ni ken atentsü. Oh KIBUBA, ne dang ni tenüngsang atentsü.

²Ni kü sasa tai makai alitsü, na kodangang kü dangi arutsü? Ozü kidang ni temulungjang tindang agi jajatsü.

³Kü nükdang ni samesa kecha mayutsü. Shirnoki meyipa aor, parnok mapa ni sempar. Iba yagi kü dak mazüitettsü.

⁴Tashi mangaba mulungsentsü kü dak nungi pilatsü; ni temenen kecha memetettsü.

⁵Shibai pei kiyonger miima tilur, ni pa samatsütsü. Shiba temulungjang mezümeküm aser asüküm ali, ni pa metoktsütsü.

⁶Kü tenük linük nung tsüngchir madak alitsü, angji parnoki kü den litettsü. Shibai shitakba lenmang nung jajar, pai ni tenzüktsü.

⁷Shibai tekülak inyaker, ozü kilung nung malitsü. Shibai tiyazü jembir, pa kü tenük jakdang metoktsütsü.

⁸Anepdang shia linük nung tamajunger ajak ni samatsütsü. KIBUBA yimti nungi tamajung inyaker ajak leptoktsü.