Read njo TENÜNGSANG KEN 109 Bible Online

TENÜNGSANG KEN 109 - njo bible

TENÜNGSANG KEN 109

¹Ni asangba Tsüngrem, nai mokorai telima.

²Kechiyong ni anema tamajunger tebang, aser külak-kübonger tebang parnoki lapokogo. Parnoki kü den tiyazü temeli agi jembiogo.

³Tesempa o agi parnoki ni meketbangogo, aser kecha masü nung ni anema raraogo.

⁴Kü temeim melena parnoki ni anemer. Saka ni kü sasa sarasadem asü.

⁵Parnoki kü nem tajung melena tamajung, aser kü temeim melena tesempa ajangzüktsü.

⁶Nai pa madak nisung tamajung ka tokjang; aser pa teka tajichilen anemer ka noktakdakjang.

⁷Kodang pa o bendangdir, pa tai adokdakjang; pa sarasademba temenen kümdakjang.

⁸ Pa arishi tatsüka kümdakjang; tangari pa menden atsüngdakjang.

⁹Pa chirnur tebu malir kümdakjang, aser pa kibutsü amitsür kümjangma.

¹⁰Par chirtem talidak mali kümdakjang, aser meshimetsüdakjang; aser azüngmeyakdak parnoki chiyungtsü bushidakjang.

¹¹Terakzükeri pa akaba ajak agidakjang; aser pai züsenba bendangertemi makzüka odakjang.

¹²Pa dang yimlibilem sayutsü shinga telidaktsü; mesüra par tebu malir chirtem dang shingai taochi tekadaktsü.

¹³Pa metsü leptokdakjang. Tarutsü putu nung parnok tenüng aidokdakjang.

¹⁴Pa tebutem tai KIBUBAi bilemtetdakjang; aser pa tetsü temenen taidokdaktsü.

¹⁵Itemji KIBUBA madang maneni lidakjang. Angji pai alima nungi parnok mamai aliba leptoktsütsü akok.

¹⁶Kechiaser pai yimlibilem sayutsü mebilemtet, saka sensaker aser meshimejunger nisung, aser temulungjang teraksa nisung, parnok lepsettsü pai arishi.

¹⁷Hau, pai atakatem meim, aser aji pa madaki aru; aser temoatsü nung pai mepela, aser aji pa dangi marutsü.

¹⁸Pa süoshi ama atakatem agi pa aben, aser aji tzü ama pa daki ait, aser totzü amai pa tereti ai.

¹⁹Aji pa asoshi pa sasa pa nembangba süoshi ama kümdakjang, aser maneni akangba pa nangri ama kümdakjang.

²⁰KIBUBA nungi ibai kü anemertem, aser kü taküm anema tamajung jembirtem asoshi tajangzük lir.

²¹Saka, Oh KIBUBA Tsüngrem, ne tenüng atema, nai ni asoshi inyakangma. Kechiaser ne temeim yimlibilem tajung lir, nai ni kümzükangma,

²²Kechiyong ni sensaker aser meshimejung nisung, aser kü mulungjang telunglen yirua lir.

²³Akhüm atsülanga akümba ama ni süia odagi. Süngku ama ni ajebchia yimzür.

²⁴Lumiba agi kü temokok tashi mait lir, aser kü shi jebzüka kümdagi.

²⁵Ano ni parnok madang sensamasatsü kümdakja lir, kodang parnoki ni ngudir, parnoki parnok tekolak angümloktsür.

²⁶Ni yariang, Oh KIBUBA kü Tsüngrem. Ne temeim yimlibilem yari ni kümzükangma.

²⁷Angji parnoki ibai ne teka ta metettsü. Oda na, KIBUBAi ibai inyak ta metettsü.

²⁸Parnoki atakatemtsü akok. Saka naibo moajang. Kodang nai shishidir, parnok akseta alitsü, saka ne tenzükerbo pelashishia alitsü.

²⁹Kü anemertem maksü agi abendakjang. Aser parnok sasa parnok pei maksü agi sobutsü agi ama nembangjang.

³⁰Ni KIBUBA dang kü tebang agi tenüngsang tulu agütsütsü. Hau, telok rongnung ni pa asangtsü.

³¹Kechiyong shibai pa aitsütsü, item nungi pa kümzüktsü. Pai meshimejunger teka tajichilen noktaker.