Read njo TENÜNGSANG KEN 115 Bible Online

TENÜNGSANG KEN 115 - njo bible

TENÜNGSANG KEN 115

¹Onok asoshi masü, Oh KIBUBA, Onok asoshi masü; saka ne tenüng asoshi sentsüwangshi agüjang. Ne temeim yimlibilem asoshi, aser ne temulung lemtetba asoshi.

²Kechisünung kintemi, “Tang parnok Tsüngrem kong lir?” ta shidaktsütsü?

³Saka asen Tsüngrembo anüngtem nung lir. Pai kechisa mulung pai inyakogo.

⁴Parnok süngyanglutem taribi aser hon. Nisung teka agi yangluba mapa lir.

⁵Parnok tebang lir, saka parnoki mejembir. Parnok tenük lir, saka parnoki mangur.

⁶Parnok tenarong lir, saka parnoki mangashir. Parnok teni lir, saka parnoki memenemteter.

⁷Parnok teka lir, saka parnoki meinyaker. Parnok tetsüng lir, saka parnoki mejajar. Mesüra parnok trok agi ola madoker.

⁸Shirnoki parnok yanglu, nisung shia shibai parnok dak temulung alemer, parnok mesüka akümtsü.

⁹Oh Israel, nai KIBUBA dak temulung lemang; pa parnok teyari aser parnok jong lir.

¹⁰Oh Aron kidong, nenoki KIBUBA dak temulung lemang; pa parnok teyari aser jong lir,

¹¹Nenok KIBUBA tsüburtem, KIBUBA dak temulung lemang. Pa parnok teyari aser jong lir.

¹²KIBUBAi asen indang bilemtsür; pai asenok moatsür. Pai Israel kidong moatsütsü; pai Aron kidong moatsütsü.

¹³ Pai KIBUBA tsüburtem, tila aser tulu anaprong moatsütsü.

¹⁴KIBUBAi na teti tali züindakjang, Na aser ne chirtem.

¹⁵KIBUBA nungi nenok moajang, shibai anüng aser ali yanglu.

¹⁶Anüngtemji KIBUBA anüngtem lir, saka alimaji nisung chirtem nem agütsü.

¹⁷Tasüri KIBUBA masanger, mesüra shiba ola makadaki alur pai masanger;

¹⁸Saka onoki KIBUBA, iba mapang nungi teti tatem maka moatsütsü. Nenoki KIBUBA sangang.