Read njo TENÜNGSANG KEN 137 Bible Online

TENÜNGSANG KEN 137 - njo bible

TENÜNGSANG KEN 137

¹Kodang onoki Zion bilemtet, Babilon ayong anasa, yangji onok amen, hau, onoki ajeb.

²Willow süngdong rongnung, onoki kongki itaka ayu.

³Kechiyong yangji parnoki onok tepuoker küma anir ao, parnoki onok dang ken atentsü asüngdang, aser onok rishikangshiri onok dang pelatepang ta aser, “Onok dang Zion Ken ka tenyuang,” ta ashi.

⁴Bendang lima nung, kechi koda onoki KIBUBA ken tentettsü?

⁵Oh Yirusalem, ni na amadokra, kü teka tajichiji ashirepdakjang.

⁶Ni na mebilemtetra, kü tepela tematiba dang taoba ni Yirusalem meyutsüra, kü temeli kü teküm nung neploka kümdakjang.

⁷Oh KIBUBA, Edom chirtem anema, Yirusalem laoba anogo bilemtetangma. Shirnoki ashir, “Iba kimung meshimeshia okdokang.”

⁸ Oh Babilon jala, na teraksatsür, nai onok dak inyakba ama, shibai ne dang benshidir pa tepelatsü.

⁹Shibai ne tilatem rakzüker aser lung manung akusatsüdir pa tepelatsü.