Read njo TENÜNGSANG KEN 138 Bible Online

TENÜNGSANG KEN 138 - njo bible

TENÜNGSANG KEN 138

¹Kü mulungjang ajak agi, ni ne nem tenüngsang agütsütsü, Oh KIBUBA. Tsüngremtem madak ni ne nüngsang atentsü.

²Ni ne temeshi tenla ki tsütsü apudaktsü, aser ne temeim yimlibilem aser ne atangji asoshi, ni ne tenüng nung tenüngsang agütsütsü. Kechiyong nai ne tenüng ajak dang ne o tamarenba kümdaktsü.

³Ni na ajaba anogo nung nai kü dang langzü. Nai kü nela nem tashi agüja ajongshi.

⁴Alima chuba ajaki ne nem tenüngsang agütsütsü, Oh KIBUBA. Kechiyong parnoki ne bang nungi o angashiogo.

⁵Hau, parnoki KIBUBA lenmangtem indang ken atentsü; kechiyong KIBUBA sentsüwangshi tulu lir.

⁶Kechiyong temaba nung KIBUBAi liaka, aji saka tekübok alir pai züngsemer. Saka pai talang nungi mezümekümer meteter.

⁷Ni timtem ajanga jaja-aka, nai ni awabangtsü; kü tsükchirtem ain adokba anema nai ne teka songtoktsü, aser ne teka tajichi agi ni kümzüktsü.

⁸KIBUBAi kü sentong renemtsütsü; ne temeim yimlibilem, Oh KIBUBA, teti alir; ne ket agi amtakba mapa nai mechioktsü.